ايدا جەرلەنگەن جالعىز ادام - فوتو

 استانا. قازاقپارات - ايدا دا ادام جەرلەنگەنىن بىلەسىز بە؟ ونىڭ ۇلتى - ورىس، عارىش سالاسىن يگەرۋگە زور ۇلەس قوسقان عالىم. ەۆگەني شۋمەيكەر پلانەتارلىق عىلىم ءپانىن جاساۋعا اتسالىسقان.

  ونىڭ كۇلى ايدا شاشىلىپ جاتىر. ول عارىشكەرلەردى تاربيەلەگەن «اپوللون» ميسسياسىنداعى ماڭىزدى تۇلعالاردىڭ ءبىرى. ول عارىشقا ۇشۋدى ءومىر بويى ارمانداپ وتكەن ادام. الايدا، دەنساۋلىعىندا كىنارات بولىپ، تەك عارىش سالاسىن يگەرۋگە كومەكتەسەتىن عىلىم جولىن قۋۋمەن شەكتەلدى. وتكەن عاسىردىڭ 60- جىلداردىڭ باس كەزىندە ا ق ش- تىڭ گەولوگيالىق قىزمەتى اياسىندا استروگەولوگيا جونىندەگى زەرتتەۋ باعدارلاماسىن قۇردى. مىنە، وسى زەرتتەۋى وعان اپپولون عارىشكەرلەرىن دايىنداۋعا كومەكتەستى. ەۆگەني شۋمەيكەر 1997 -جىلى دۇنيە سالدى. 69 جاسىندا. اۆسترالياداعا اۆتوكولىك اپاتىنان كوز جۇمدى. دوستارى مەن تۋىستارى ونىڭ كوزى تىرىسىندە قول جەتكىزە الماعان ارمانىن ورىنداۋدى قۇپ كورىپ، ونىڭ كۇلىن ايعا اتتاندىرادى. 1998 -جىلدىڭ قاڭتار ايىنىڭ 6- كۇنى ناسا- نىڭ جاساندى جەر سەرىگىنىڭ وڭتۇستىك پوليۋسىنەن مۇز ىزدەۋگە اتتاندى. عارىش كەمەسى وزىمەن بىرگە عالىمنىڭ دوستارى مەن تۋىستارىنىڭ ءوتىنىشىن ورىنداپ، عالىمنىڭ كۇلىن بىرگە الا كەتتى. 1999 -جىلدىڭ شىلدە ايىنىڭ 31- كۇنى ناسا اي بەتىندەگى كەمەنى جويدى. عالىمنىڭ كۇلى اي بەتىندە كەمەنىڭ جاڭقالارىمەن بىرگە شاشىلىپ قالعان ەدى.