بالالارعا شەت تىلدەرىن ۇيرەتۋ كەرەك - ق ر پرەزيدەنتى
«قانشا ءتىلدى بىلسەڭ، سونشالىقتى مادەنيەتتىسىڭ دەگەن ءسوز بار. ال بۇل قاراپايىم ءىس ەمەس. كەيدە بالالارعا وبال، ولار ونسىز دا تاۋلىك بويى بوس ەمەس. ءبىراق، قازىر اياساڭ كەيىن وزىڭە ۇرساتىن بولادى. ءبىزدى، مەنىڭ بۋىنىمدى وقىتقان دا جوق. قاشان وقىتپاق؟ اتا- انالاردىڭ باستى مىندەتى تىرشىلىك ەتۋ، اشتان قاتپاۋ بولدى. بالالارعا قاراۋعا قولدارى تيگەن جوق، ال قازىر وقىتۋ كەرەك»، - دەدى ەلباسى.
وسى رەتتە مەملەكەت باسشىسى ەۋروپالىق تالاناتتى فيلوسوف شوپەنگاۋەر ءوزى ءومىربايانىندا اكەسى بەرىلگەن تاپسىرمانى جاتتاپ الۋى ءۇشىن ءۇش كۇن اش ۇستاعاندىعىن جازعانىن مىسالعا كەلتىردى.
«ءدال سولاي كومپوزيتورلاردى دا وقىتتى. سول كەزدە ولارعا دا ۇناماعان شىعار. ءبىراق، كەيىن العىستارىن بىلدىرەدى. بىرنەشە ءتىلدى ءبىلۋ باسەكەگە قابىلەتتىلىكتى ارتتىرىپ قانا قويماي ۇلكەن مۇمكىنشىلىكتەر اشادى. بۇگىندە بىزدە مىڭداعان كومپانيا جۇمىس ىستەيدى جانە ءارقايسىسى وزىنە جۇمىسشىلار ىزدەيدى. ال ءتىل بىلمەسەڭ قالاي الادى؟»، - دەدى نۇرسۇلتان نازاربايەۆ.
ق ر پرەزيدەنتىنىڭ اتاپ وتۋىنشە، بىرنەشە ءتىلدى ءبىلۋ ەلدەگى ادامي كاپيتال ساپاسىن جانە ونىڭ زياتكەرلىك قۋاتىن ايقىندايدى.
«سوندىقتان ۇشتىلدىلىك ۇستانىمىن باسشىلىققا الا وتىرىپ، بالالارىمىز ءۇش ءتىلدى ءبىلۋى ءۇشىن بارلىعىن جاسايمىز. مۇندا تۇرعان جامان ەشتەڭە دە جوق. ەگەر شۆەيتسارياعا بارساڭ، وندا تاكسي جۇرگىزۋشىسى ءتورت ءتىلدى - اعىلشىن، نەمىس، فرانسۋز، يتاليان ءتىلىن بىلەدى»، - دەدى ق ر پرەزيدەنتى.
وسى رەتتە ەلباسى اعىمداعى جىلى بىرنەشە شەتەلدىك وقۋلىقتى ەلىمىزدىڭ جوعارى وقۋ ورىندارى ءۇشىن ورىس تىلىنە اۋدارۋ قاجەتتىگىنە نازار اۋداردى.
«بۇل دا ماڭىزدى. ءبىزدىڭ ستۋدەنتتەرىمىز الەمنىڭ ۇزدىك ستاندارتتارى بويىنشا ءبىلىم الۋ مۇمكىندىگىنە يە بولۋى قاجەت. اتالعان وقۋلىقتاردى ورىس تىلىنە اۋدارۋدا بىزدە ەشقانداي پروبلەما بولمايدى»، - دەدى نۇرسۇلتان نازاربايەۆ.
مەملەكەت باسشىسى جاريا ەتكەن ب ۇ ۇ دەرەكتەرىنە سايكەس، عالامشاردىڭ ءاربىر ونىنشى ەرەسەك تۇرعىنى جازۋ- سىزۋ بىلمەيدى. بۇل شامامەن 800 ميلليون ادامدى قۇرايدى. سونىمەن قاتار، مەكتەپ جاسىنداعى 270 ميلليون بالا ءبىلىم ورداسىنىڭ تابالدىرىعىن اتتاماعان.
اۆتور: مارلان جيەمباي
