ۇزاق قاراپ وتىرسا كوزدەن عايىپ بولاتىن سۋرەتتىڭ قۇپياسى اشىلدى

استانا. قازاقپارات - عالىمدار ۇزاق ۋاقىتقا قاراپ وتىرسا كوز الدىنان جوعالىپ كەتەتىن تانىمال سۋرەتتىڭ قۇپياسىن اشتى.

ءتۇرلى-ءتۇستى رەڭكتەرى بار بۇلىڭعىر سۋرەت ءوز ەرەكشەلىگىمەن كوپشىلىككە تانىمال بولدى. پايدالانۋشىلاردىڭ ايتۋىنشا، سۋرەتكە ۇزاق ۋاقىت قاراپ وتىرسا، ول بىرتىندەپ كوزدەن جوعالىپ، ونىڭ ورنىنا اق ءتۇستى داق پايدا بولادى.

الايدا، كىدىرىس جاساپ قايتا قاراعان كەزدە سۋرەت قايتا كورىنەدى. بۇل تۋرالى The Verge حابارلادى، دەپ جازادى Stan.kz اقپاراتتىق اگەنتتىگى.

جۋرناليستەردىڭ پىكىرىنشە، فيلوسوف يگناتس پاۋل ۆيتاليس تروكسلەر مۇنداي اسەردىڭ بار ەكەنىن بۇعان دەيىن دە ايتقان. وسىنداي وپتيكالىق يلليۋزيا 1804-جىلدان بەرى ادامداردىڭ وي-ساناسىن قوزدىرىپ كەلەدى، دەيدى جۋرناليستتەر.

كۆينسلەند ۋنيۆەرسيتەتىنىڭ پسيحولوگيا عىلىمدارىنىڭ پروفەسسورى دەرەك ارنولد ءتۇرلى-ءتۇستى سۋرەتتىڭ جوعالۋ سەبەبىن ءتۇسىندىردى. ونىڭ پىكىرىنشە، ادام ميى وزگەرمەيتىن ۆيزۋالدى بەينەلەرگە نازار اۋدارمايدى. ول سونداي-اق، بۇعان الاڭداۋدىڭ قاجەتى جوق ەكەنىن ايتتى.

SUNY Downstate مەديتسينالىق ورتالىعىنىڭ پروفەسسورى جانە «يلليۋزيا چەمپيوندارى» كىتابىنىڭ اۆتورى سيۋزانا مارتينەس- كوندە بۇل اسەردى نەيروندىق بەيىمدەلۋ دەپ اتادى. ول جوعالىپ كەتكەن سۋرەتتى شۇلىقتارمەن سالىستىردى.

«ادام شۇلىقتى جاڭادان كيگەندە، ونى اياعىندا سەزىنۋى مۇمكىن. ءبىراق ادامدار كۇنى بويى ءوز جۇمىستارىمەن اينالىسىپ جۇرگەن كەزدە اياعىندا شۇلىق بار ەكەنىن سەزبەي قالادى. ءتۇرلى ءتۇستى سۋرەت تە ءدال سول سەكىلدى»، - دەپ ءتۇسىندىردى سيۋزانا مارتينەس- كوندە.

عالىمنىڭ پىكىرىنشە، ادام كوزىن ادەيى قوزعالتپاعان جاعدايدا عانا سۋرەت جوعالادى.

«ءتىپتى ءبىز ويلانعان كەزدە دە كوزىمىز مۇلدە قوزعالمايدى. ولار ءالى دە ميكروسكوپيالىق قوزعالىستار جاسايدى»، - دەيدى مارتينەس- كوندە.

سوندىقتان، ەگەر ادام ءتۇرلى-ءتۇستى سۋرەتكە كەزدەيسوق قاراي قالسا، وندا ول قوزعالىسسىز ءوز ورنىندا قالادى.