جۋرناليستەر اراسىندا «اقپارات بارىسى» تۋرنيرى وتەدى

استانا. قازاقپارات - قازاقستاننىڭ بۇقارالىق اقپارات قۇرالدارى اراسىندا «اقپارات بارىسى» تۋرنيرى ءوتۋى مۇمكىن. بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «قازاقستان بارىسى» قازاق كۇرەسىن دامىتۋ قورىنىڭ ءتوراعاسى ارمان شورايەۆ ايتتى، دەپ حابارلايدى قازاقپارات.

ءبىراز ارىپتەستەرىممەن سويلەسىپ، بيىل «اقپارات بارىسىن» وتكىزەتىن بولدىق. مۇمكىن جۋرناليستيكا كۇنىنە ورايلاستىرارمىز. ايتەۋىر، دايىندالىڭىزدار. 20 ميلليون بولادى دەپ ايتا المايمىن. ءبىراق، قوماقتى جۇلدە قورى بولارىن بىلە جۇرىڭىزدەر. ونى مادەنيەت جانە سپورت مينيسترلىگى قولداپ جاتسا، اماندىق بولسا وتكىزەمىز»، - دەدى ارمان شورايەۆ ب ا ق وكىلدەرىنىڭ ساۋالىنا وراي.

وسى رەتتە مادەنيەت جانە سپورت ءمينيسترى ارىستانبەك مۇحامەدي ۇلى بۇقارالىق اقپارات قۇرالدارى وكىلدەرىنىڭ اراسىندا قازاق كۇرەسىنەن جارىس ۇيىمداستىرىلاتىن بولسا، قولداۋ كورسەتۋگە دايىن ەكەنىن ايتتى.

ءبىز سپورتتىڭ ءار تۇرىنەن جارىس وتكەندىگىن كەڭىنەن قولدايمىز. ماسەلەن، بۇقارالىق اقپارات قۇرالدارى اراسىندا سەيداحمەت بەردىقۇلوۆ اتىنداعى فۋتبولدان جارىس وتەدى. ءبىراق، جۋرناليستەر كوبىنە بيلياردتان جارىس وتكەنىن جاقسى كورەدى. ەندى سىزدەر «اقپارات بارىسى» كەرەك دەسەڭىزدەر مينيسترلىكتەر جان-جاقتى قولداۋ كورسەتەتىن بولادى»، - دەدى ارىستانبەك مۇحامەدي ۇلى.

ايتا كەتەيىك، ەلىمىزدە العاش رەت بەلدەسۋ كۇرەسىنەن «حالىق بارىسى» رەسپۋبليكالىق تۋرنيرى 7-8- مامىر كۇندەرى الماتىدا، اشىق اسپان اياسىندا وتەدى.

بۇل باسەكەگە كەز كەلگەن ازامات قاتىسا الادى.