10:40, 12 - ءساۋىر 2018 | GMT +5
قازاقستان ازاماتتىعىن ساتپاق بولعان شەنەۋنىك پارامەن ۇستالدى
استانا. قازاقپارات - قازاقستان ازاماتتىعىن ساتپاق بولعان كوشى-قون قىزمەتىنىڭ شەنەۋنىگى ۇستالدى. بۇل جايىندا ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايتتى، دەپ حابارلايدى قازاقپارات.
«وڭتۇستىك قازاقستان وبلىستىق ءى ءى د وزىندىك قاۋىپسىزدىك قىزمەتىنىڭ قىزمەتكەرلەرى ۇ ق ك دەپارتامەنتىنىڭ جەدەل تەرگەۋ توبىمەن بىرگە ازىرلەنگەن ارنايى وپەراتسيا بارىسىندا 10- ءساۋىر كۇنى وبلىستىق ءى ءى د كوشى-قون قىزمەتى باسقارماسىنىڭ باستىعى ن. تولەگەن ۇلىن ۇستادى. ول اۋعانستاننىڭ 4 تۋماسىنا قازاقستان ازاماتتىعىن الۋعا كومەك كورسەتۋ ءۇشىن 3500 دوللار (شىن اقشا) جانە 30 مىڭ دوللار (مۋلياج) كولەمىندە پارا الۋ كەزىندە ۇستالدى»، - دەدى الماس سادۋبايەۆ.
ونىڭ ايتۋىنشا، ن. تولەگەن ۇلى شىمكەنت قالالىق ءى ءى ب ۋاقىتشا ۇستاۋ وقشاۋلاعىشىنا قامالعان. تەرگەۋ امالدارى جۇرگىزىلىپ جاتىر.
اۆتور: مارلان جيەمباي
