تەمىرتاۋدا عارىشكەرلەر كۇنىنە ارنالعان كورمە اشىلدى
بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى.
ەكسپوزيتسيا بىرنەشە بولىمدەردەن قۇرالادى. كورمەدە عارىشكەر ايەلدەر تۋرالى دەرەكتىك ماتەريالدار مەن فوتو سۋرەتتەر كەلتىرىلگەن.
«57 جىل ىشىندە عارىشتا الەمنىڭ 60 تان استام ايەلى بولىپ قايتتى. ولار جانە عارىش تۋرالى ءبىزدىڭ كورمە باياندايدى»، - دەيدى كۋراتور سۆەتلانا ترەشەۆا.
مۇراجاي زالدارىندا سونىمەن قاتار عارىشتىق نىسانداردىڭ ماكەتتەرى دە كەلتىرىلگەن - «مير» ستانتسياسى، عارىشتىق راكەتانىڭ بولىگى مەن سىناقشى ۇشقىشتىڭ شلەمى.
12- ساۋىردە مۇراجايدا «ايەلدەر عارىشى» اتتى اشىق شارا وتەدى. كورمەسىن ءساۋىردىڭ 22 نە دەيىن تاماشالاۋعا بولادى.
عارىشكەرلەر كۇنى 12- ساۋىردە اتاپ وتىلەدى. بۇل داتا ادامنىڭ العاش رەت عارىشقا ۇشۋ كۇنىمەن ورايلاستىرىلعان. 1961-جىلدىڭ 12- ساۋىرىندە كەڭەس عارىشكەرى يۋري گاگارين «ۆوستوك-1» كەمەسىمەن «بايقوڭىر» عارىش ايلاعىنان الەم بويىنشا ءبىرىشى بولىپ جەر پلانەتاسىن وربيتالىق اينالىپ وتۋگە اتتانعان بولاتىن. جەر ماڭىنداعى عارىشتىق كەڭىستىككە ۇشۋ 108 مينۋتقا سوزىلعان ەدى.
