07:07, 12 - ءساۋىر 2018 | GMT +5
قازاقستاندا بەنزين ارزانداۋى مۇمكىن
استانا. قازاقپارات - ق ر ەنەرگەتيكا ءمينيسترى قانات بوزىمبايەۆ الداعى كۇندەرى بەنزين باعاسى تومەندەۋى مۇمكىن ەكەندىگىن ايتتى، دەپ حابارلايدى قازاقپارات.
«بەنزين تاپشىلىعى جوق. مەنىڭ ويىمشا، بەنزين باعاسى ءتۇسۋى مۇمكىن. ويتكەنى، قازىرگى ۋاقىتتا قازاقستاندا بەنزين كولەمى ارتىعىمەن بار»، - دەدى قانات بوزىمبايەۆ.
ايتا كەتەيىك، ورتالىق كوممۋنيكاتسيالار قىزمەتىندەگى «حالىق بارىسى» رەسپۋبليكالىق تۋرنيرىنىڭ باستالۋىنا ارنالعان باسپا ءسوز ءماسليحاتىنان كەيىن ب ا ق وكىلدەرى مينيسترگە قازاقستان فەرمەرلەر وداعىنىڭ «جانار-جاعارماي تاپشىلىعى بولىپ، باعا كوتەرىلۋى مۇمكىن» دەگەن الاڭداۋشىلىعىن جەتكىزگەن بولاتىن.
ەستەرىڭىزگە سالا كەتسەك، كەشە شىمكەنت مۇناي وڭدەۋ زاۋىتى كۇردەلى جوندەۋ جۇمىستارىنا توقتاتىلعان ەدى. زاۋىت مامىر ايىندا تولىق قۋاتىندا جۇمىس ىستەي باستايدى.
