22:02, 11 - ءساۋىر 2018 | GMT +5
ا ق ش- سولتۇستىك كورەيا كەزدەسۋى موڭعوليا جەرىندە ءوتۋى مۇمكىن
استانا. قازاقپارات - ا ق ش پەن سولتۇستىك كورەيا پرەزيدەنتتەرىنىڭ كەزدەسۋىنە قاتىستى كەلىسسوزدەر ءجۇرىپ جاتىر. بۇل اقپاراتتى مەملەكەتتىك دەپارتمەنت رەسمي تۇردە راستادى.
ازىرگە سامميتتى كىمنىڭ ۇيىمداستىرىپ جاتقانى بەلگىسىز.
ەستەرىڭىزگە سالا كەتەيىك، بۇعان دەيىن ۆاشينگتون مەن پحەنيان كەلىسسوزدى ورتالىق بارلاۋ باسقارماسى ارقىلى جۇرگىزگەن ەدى. اق ءۇي باسشىسى دونالد ترامپ پەن سولتۇستىك كورەيا پرەزيدەنتى كيم چەن ىننىڭ جۇزدەسۋى مامىردىڭ سوڭىنا دەيىن وتەدى دەپ كۇتىلۋدە. ءبىراق رەسمي باسقوسۋدىڭ ناقتى قاي جەردە وتكىزىلەتىنى ءالى بەلگىلەنگەن جوق. سامميتتىڭ موڭعوليا استاناسى ۇلانباتىردا ۇيىمداستىرىلۋى دا عاجاپ ەمەس.
www.24.kz
