تەڭگە باعامىنىڭ بولاشاقتاعى جايى قانداي بولماق؟
قارجى ساراپشىسى تەڭگەنىڭ دوللارعا قاراعاندا السىرەۋى - رەسەي نارىعىنا ەنگىزىلگەن سانكتسيالارعا بايلانىستى تۋىنداپ وتىر.
«قازاقستاندا دوللاردىڭ ءوسۋى رۋبل باعامىنىڭ تومەندەۋىنەن بولىپ وتىر. قازىرگى احۋالعا قاراعاندا جاڭا سانكتسيالار ۋاقىتشا عانا كەرى ىقپالىن تيگىزەتىنى انىق. ۇزاق مەرزىمدى پەرسپەكتيۆادا ونىڭ اۋىز تولتىرىپ ايتاتىنداي اسەرى بولمايدى» ، - دەدى ساراپشى.
ارمان بەيسەمبايەۆ بولاشاقتا سانكتسيالىق تىيىم سالۋلارعا قارسى تەتىكتەر تابىلاتىنىنا سەنىمدى.
رەسەي وسى ەكونوميكالىق احۋالعا بەيىمدەلگەن سوڭ سانكتسيالاردىڭ ىقپالى نولگە تەڭەسەدى.
«قور نارىعىنداعى رەسەي اكتيۆتەرىنىڭ قۇلاۋى ۋاقىتشا قۇبىلىس دەپ قاراۋ كەرەك. دوللاردىڭ ءوزى رەزەرۆتى ۆاليۋتالار كورزيناسى مەن مۇنايدىڭ قىمباتتاۋىنان تومەندەپ بارادى. قازىرگى مۇناي جاعدايى وسى قالپىن ساقتاسا ابىر- سابىر باسىلعان سوڭ تەڭگە مەن رۋبل ءوزىنىڭ بۇرىنعى پوزيتسياسىنا قايتا ورالادى» ، - دەدى ا. بەيسەمبايەۆ.
بۇگىندە تاڭعى سەسسيادا قازاقستان قور نارىعىندا 1 ا ق ش دوللارىنىڭ قۇنى 330,68 تەڭگەنى قۇرادى.
ايىرباستاۋ پۋنكتتەرى 330-332 تەڭگە اراسىندا ساۋدالاسىپ جاتىر.
ايتا كەتۋ كەرەك، 10 - ساۋىردە تەڭگە باعامى كەنەتتەن تومەندەدى. تاڭەرتەڭ ايىرباستاۋ پۋنكتتەرىندە دوللار 327 تەڭگەگە ساتىلسا، كەشكە تامان 329 تەڭگەگە جەتتى.
