شي جينپيڭ قىتايدىڭ اشىقتىعىن ودان ارى دامىتۋ تۋرالى ايتتى
«تەك اشىقتىق پەن بەيبىت دامۋ عانا جالپىعا ورتاق جەڭىسكە جەتەلەيدى. ادامزاتتىڭ ورتاق تاعدىرى قوعامداستىعىن قۇرۋ جايىنداعى ۇسىنىستارىمدى كوپتەگەن ەلدەر قولداپ، ب ۇ ۇ- نىڭ ماڭىزدى قۇجاتتارىنا ەنگىزىلگەنىنە قۋانىشتىمىن. ءبىز ءبىر- بىرىمىزگە قۇرمەتپەن قاراپ، بەيبىتشىلىك پرينتسيپتەرىن ۇستانۋعا، باسقا ەلدەر تاڭداعان الەۋمەتتىك جۇيەلەر مەن دامۋ جولدارىن قۇرمەتتەۋگە ءتيىسپىز»، - دەدى شي جينپيڭ بواو ازيا فورۋمىندا.
قىتاي باسشىسىنىڭ سوزىنە قاراعاندا، الەم ەلدەرى اليانستار قۇرۋعا ەمەس، سەرىكتەستىك قارىم- قاتىناستارىن ورناتۋعا كۇش سالۋى، وقشاۋلانۋ جانە «قىرعي قاباق سوعىس» مەنتاليتەتىنەن باس تارتۋى، سونداي- اق ب ۇ ۇ جارعىسىنا سايكەس حالىقارالىق ءتارتىپتى نىعايتۋى قاجەت.
ول الەم ەلدەرىن كوپجاقتى ساۋداعا، يننوۆاتسيالارعا، بيزنەستىڭ جاڭا فورمالارى مەن مودەلدەرىنە باسا نازار اۋدارۋعا، مادەنيەت، عىلىم- ءبىلىم، تۋريزم، دەنساۋلىق ساقتاۋ، كەدەيلىكتى جويۋ، ت. ب. سالالاردا ەكىجاقتى جانە كوپجاقتى ىنتىماقتاستىقتى دامىتۋعا شاقىردى.
ونىڭ ايتۋىنشا، 2017 -جىلعى قازان ايىندا وتكەن ق ك پ 19-سيەزىندە قىتاي سوتسياليزمىنىڭ جاڭا داۋىرگە قادام باسۋى ەلدىڭ الدىنا رەفورمالاردى تەرەڭدەتۋ، ەكونوميكانى جاڭعىرتۋ، يننوۆاتسيالاردى دامىتۋ بويىنشا جاڭا مىندەتتەر قويدى.
ق ح ر ءتوراعاسى قىتاي الەمگە اشىقتىعىن كەڭەيتۋ ءۇشىن ساۋدا، ينۆەستيتسيالىق جانە باسقا دا سالالاردى ليبەرالداندىرۋ شارالارىن ىسكە اسىراتىنىن ايتتى.
«قىتاي اشىق بولۋ ستراتەگياسىن تاڭدادى. الدىمەن، ق ح ر نارىعىنا كىرۋ مۇمكىندىكتەرىن ايتارلىقتاي كەڭەيتەمىز. قىزمەت كورسەتۋ سالاسىندا، اتاپ ايتقاندا، قارجى سەكتورىندا جىل سوڭىنا دەيىن بانك، ساقتاندىرۋ جانە قور نارىقتارىنا شەتەلدىكتەردىڭ قاتىسۋىن جەڭىلدەتۋ بويىنشا ماڭىزدى شارالاردى قابىلدايمىز. قىتاي اۋماعىندا حالىقارالىق قارجى ينستيتۋتتارىن قۇرۋعا قويىلاتىن تالاپتار جەڭىلدەتىلەدى»، - دەدى شي جينپيڭ.
قىتاي باسشىسى بۇكىل الەم وكىلدەرىن اعىمداعى جىلى قازان ايىندا شاڭحايدا وتەتىن 1- قىتاي حالىقارالىق يمپورت كورمەسىنە شاقىردى.
ەسكە سالا كەتەيىك، بواو ازيا فورۋمى (ب ا ف) 8-11 - ءساۋىر ارالىعىندا ق ح ر- دىڭ حاينان ارالىندا ءوتىپ جاتىر. وعان الەمنىڭ بارلىق ەلدەرىنەن كەلگەن ساياسي، ىسكەر جانە عىلىمي سالانىڭ 2 مىڭنان استام وكىلدەرى قاتىسۋدا.
فورۋم اياسىندا اشىلعان ازيا ەلدەرىنىڭ بۇقارالىق اقپارات قۇرالدارى ليدەرلەرىنىڭ سامميتىندە «قازاقپارات» ح ا ا- نىڭ باس ديرەكتورى اسقار ۋماروۆ ءسوز سويلەدى.
