ماسكەۋدە قازاق مادەنيەتى كۇنى وتەدى
شارانى ماسكەۋ قالاسىنىڭ ۇلتتىق ساياسات جانە ءوڭىرارالىق بايلانىس دەپارتامەنتى، ماسكەۋ قالاسىنىڭ ءبىلىم دەپارتامەنتى، ماسكەۋلىك «قازاق دياسپوراسى» قورى مەن «ەتنوگارمونيا» ەتنومادەني باستامالاردى قولداۋ قورى قازاق ەتنومادەنيەتىن دامىتۋ مەن ساقتاۋ جونىندەگى كوممەرتسيالىق ەمەس ۇيىم وداعىنىڭ قولداۋىمەن ۇيىمداستىردى.
مەرەكەنى دايىنداۋ مەن ۇيىمداستىرۋ جۇمىستارىنا ماسكەۋلىك جوعارى وقۋ ورىندارىندا ءبىلىم الىپ جۇرگەن قازاقستاندىق ستۋدەنتتەر قاتىسۋدا. مەرەكەنىڭ باعدارلاماسىندا حالىقتىق سپورتتىق ويىن-ساۋىق شارالارى مەن جارىستار، بالالار سۋرەتتەرى مەن ۇلتتىق تۋىندىلار كورمەسى، حالىق قولونەرى بويىنشا شەبەرلىك ساباقتارىن وتكىزۋ جوسپارلانعان.
مەرەكە كونسەرتتىك شاراعا ۇلاسادى. وندا قازاقستاندىق جانە ماسكەۋ قالاسىنىڭ كوركەمونەرپازدار ۇجىمدارى ونەر كورسەتىپ، ءتۇرلى قويىلىمدار قويادى.
