ەكى ايدا ەكونوميكاعا قانشا اقشا قۇيىلدى
دەگەنمەن، ينۆەستيتسيانى تارتۋ جاعىنان باياۋ جۇمىس ىستەپ جاتقان وبلىستار بار، دەپ حابارلايدى قازاقپارات ءتىلشىسى.
ق ر ينۆەستيتسيالار جانە دامۋ ۆيتسە- ءمينيسترى ارىستان قابىكەنوۆتىڭ ايتۋىنشا، وندىرىسكە سالىنعان اقشانىڭ كولەمى ەكى ەسەگە ارتىپ، 851 ميلليارد تەڭگەنى قۇرادى. سونداي- اق، تاۋ- كەن سالاسىنا قۇيىلعان قارجى 313,5 ميلليارد تەڭگەگە ءوسىپ، 589 ميللياردقا جەتتى. ال وڭدەۋ سالاسىنا تارتىلعان ينۆەستيتسيالار 221,4 ميلليارد تەڭگەگە تەڭ بولدى.
«2018 -جىلدىڭ قاڭتار- اقپان ايلارىندا سىرتقى ينۆەستيتسيانىڭ كولەمى 160,3 ميلليارد تەڭگەگە ارتىپ، 361,5 ميلليارد تەڭگەنى قۇرادى. ينۆەستيتسيا كولەمى ارتقان وڭىرلەرگە اتىراۋ مەن قاراعاندى وبلىستارىن، سونداي- اق، الماتى قالاسىن جاتقىزۋعا بولادى. ال استانا قالاسى، مىڭعىستاۋ مەن شىعىس قازاقستان وبلىستارىندا ينۆەستيتسيانىڭ تومەندەگەنى بايقالادى»، - دەدى ا. قابىكەنوۆ ۇكىمەت ۇيىندە وتكەن باسپا ءسوز ءماسليحاتىندا.
ونىڭ سوزىنە قاراعاندا، ق ر ينۆەستيتسيالار جانە دامۋ مينيسترلىگى «Kazakh Invest» ۇلتتىق كومپانياسىمەن بىرلەسە وتىرىپ، 2018-2020 -جىلدارعا ارنالعان 658 ينۆەستيتسيالىق جوبانىڭ تىزبەسىن جاساپ شىقتى. اتالعان جوبالاردىڭ جالپى سوماسى 59,2 ميلليارد ا ق ش دوللارىن قۇرايدى. سونىڭ ىشىندە شەتەلدىكتەردىڭ قاتىسۋىمەن قولعا الىناتىن 140 جوبا (43,8 ميلليارد ا ق ش دوللارى) جانە وتاندىق ينۆەستورلاردىڭ 518 جوباسى (15,4 ميلليارد ا ق ش دوللارى) بار.
«بيىل جالپى قۇنى 6,5 ميلليارد دوللار بولاتىن 298 جوبانى ىسكە قوسۋ، سونداي- اق، جالپى قۇنى 11 ميلليارد ا ق ش دوللارىن قۇرايتىن 199 جوبانىڭ قۇرىلىس- مونتاجداۋ جۇمىستارىن باستاۋ جوسپارلانىپ وتىر»، - دەپ اتاپ كورسەتتى ا. قابىكەنوۆ.
ايتا كەتەيىك، باسپا ءسوز ءماسليحاتىندا ق ر ەنەرگەتيكا ۆيتسە- ءمينيسترى ماعزۇم مىرزاعاليەۆ اتىراۋ وبلىسىنداعى پوليەتيلەن جانە پوليپروپيلەن زاۋىتتارىنىڭ قۇرىلىسى جايىندا ايتىپ بەردى.
بۇدان بولەك، ۆيتسە- مينيستر قاشاعان كەن ورنىندا مۇناي ءوندىرۋ كولەمىن ازايتۋدىڭ سەبەبىن ءتۇسىندىردى.
ال ءتورتىنشى مۇناي وڭدەۋ زاۋىتى ەكى وبلىستىڭ بىرەۋىندە سالىنادى.
