ق ر ەلشىسى بەيجىڭدەگى ستۋدەنتتەرمەن كەزدەستى
ستۋدەنتتەردىڭ الدىندا ءسوز سويلەگەن ش. نۇرىشيەۆ پرەزيدەنت نۇرسۇلتان نازاربايەۆتىڭ قازاقستان حالقىنا جولداۋى مەن ناۋرىز ايىنىڭ باسىندا جاريالانعان 5 الەۋمەتتىك باستامانىڭ نەگىزگى باعىتتارى تۋرالى ايتتى.
«وزدەرىڭىز كورىپ وتىرعانداي، قازاقستان پرەزيدەنتى باستامالارىنىڭ باسىم بولىگى جاستارمەن تىكەلەي بايلانىستى، سەبەبى العا قويىلعان ماقساتتارعا كەلەشەكتەگى ءبىلىمدى ۇرپاقتىڭ كۇش-قۋاتىمەن عانا جەتۋگە بولادى. ق ح ر ءبىلىم مينيسترلىگىنىڭ مالىمەتىنە سايكەس، قازىرگى ۋاقىتتا قىتايدا 14224 قازاقستاندىق ستۋدەنت ءبىلىپ الىپ جاتىر. ولاردىڭ 2,5 مىڭى بەيجىڭدە وقۋدا»، - دەدى ول.
ديپلومات جەتكىلىكتى دەڭگەيدە ءتارتىپتى ساقتاۋ، پاتريوتتىق تاربيە مەن ق ر جەتىستىكتەرىن ناسيحاتتاۋ باعىتىنداعى KSAC جۇمىسىنا وڭ باعا بەردى. سونىمەن بىرگە، ول وقۋداعى ۇلگەرمەۋشىلىك جاعدايلارىن، قازاقستاندىق ازاماتتاردىڭ قىلمىستىق جاعدايلارعا تاپ بولۋى (توبەلەس، ىشىمدىك ءىشۋ، ەسىرتكى قابىلداۋ جانە ت. س. س.)، ۆيزالىق ءتارتىپتىڭ بۇزىلۋى، ءبىلىم ماقساتىنان تىس كاسىپكەرلىكپەن نەمەسە وزگە دە ىسپەن اينالىسۋ ماسەلەرىن دە اتاپ ءوتتى.
ەلشى ستۋدەنتتەردى ءبىلىم پروتسەسىنە ءجىتى ماڭىز بەرىپ، ءبىلىم كوكجيەگىن كەڭەيتىپ، شەتەلدە ەلىمىزدىڭ اتىن لايىقتى تۇردە شىعارۋعا شاقىردى.
ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ جاس ورەندەرمەن بىرگە قازاقستان پرەزيدەنتى نۇرسۇلتان نازاربايەۆتىڭ بەس الەۋمەتتىك باستاماسىن، «رۋحاني جاڭعىرۋ» ماقالاسىن جۇزەگە اسىرۋ شارالارىن تالقىلادى. ول KSAC- قا ءبىر كۇن بۇرىن سياندا تانىستىرىلعان، قىتاي تىلىنە اۋدارىلعان «شاكارىم» كىتابىن تابىس ەتتى.
جيىن ەرەكشە ءوتتى دەسە بولادى. ستۋدەنتتەر رەكتور ەرلان سىدىقوۆقا ستۋدەنتتىك ومىرگە، ق ر مەن ق ح ر جوعارعى وقۋ ورىندارى اراسىنداعى اكادەميالىق بايلانىسقا، سونىمەن قاتار وقۋدان كەيىن قازاقستاندا جۇمىس تۇرۋعا قاتىستى كوپتەگەن ساۋالدارىن قويۋۋعا مۇمكىندىك الدى.
جيىن سوڭىندا قازاقستان ەلشىسى وقۋدا جانە قوعامدىق جۇمىستا وزات تانىلعان ستۋدەنتتەرگە العىس حات تابىستادى.
«مەملەكەت باسشىسى تەحنيكالىق ماماندىق بويىنشا گرانتتار سانىنىڭ ءوسۋىن باستاما ەتىپ كوتەرىپ وتىر. شەتەلدىك ج و و- لاردان كەم تۇسپەيتىن ءبىزدىڭ ۋنيۆەرسيتەتتەردىڭ دامۋىنا وسىنشاما قاراجات بولىنگەنى قۋانتادى. ماسەلەن، مەنىڭ كوپتەگەن تانىستارىم نازاربايەۆ ۋنيۆەرسيتەتىنە تۇسكىسى كەلەدى. البەتتە، بۇل تۇرعىدا ەڭ ءبىرىنشى كەزەكتە ءبىز قازاقستاندىق ءبىلىم مەن عىلىمنىڭ تەحنيكالىق ءبىلىمىن دامىتا ءبىلۋىمىز كەرەك»، - دەپ سۇحبات بەردى قىتايلىڭ ج و و- لاردىڭ بىرىندەگى «اۆياتسيالىق قوزعالتقىش» فاكۋلتەتى دوكتورانتۋراسىنىڭ 2- كۋرس ستۋدەنتى ماكسيم وۆچيننيكوۆ.
