جاڭاارقادا مۇناي وڭدەۋ زاۋىتىن سالۋ جوسپارلاندى
ونىڭ جالپى قۋاتتىلىعى 300 ميلليارد تەڭگەدەن اسادى. اتالمىش جوبانى قارجىلاندىرۋعا سينگاپۋرلىق ينۆەستورلار دايىن ەكەنددىكتەرىن جەتكىزدى.
اۋقىمدى جوبانى جۇزەگە اسىرۋدىڭ قىر-سىرى قاراعاندى وبلىسىنىڭ اكىم ەرلان قوشانوۆتىڭ باسشىلىعىمەن وتكەن جينالىس بارىسىندا تالقىلاندى. باس قوسۋ بارىسىندا «ابىلايحان» كومپانيا توبى مەن R Way Solution PTE Ltd سينگاپۋرلىق سەرىكتەستەر كەلىسىمشارتقا قول قويدى.
- ءبىز قازاقستانعا تىكەلەي مۇناي كلاستەرىن الىپ كەلەمىز. «نوۆونەجينسكوە» كەن ورنى قوستاناي وبلىسىندا ورنالاسقان. اتاسۋ كەنتىندە جىلىنا 1 ميلليون توننا مۇناي وڭدەي الاتىن شاعىن توننادجى م ءو ز سالىناتىن بولادى. سونىمەن قاتار «يۋرتا» جانار-جاعارماي قۇيۋ ستانتسيالار جەلىسى مەن جول ماڭايىنداعى قىزمەت كورسەتۋ نىساندارىن سالۋ جوسپارى بار، - دەپ مالىمدەدى باسپا ءسوز ءماسليحاتىندا «ابىلايحان» كومپانيا توبىنىڭ باسقارما باسشىسى ءامىر ىسماعۇلوۆ.
ونىڭ ايتۋىنشا، جوبانى ءۇش جىلدا جۇزەگە اسىرۋ جوسپارلانعان، ياعني 2021- جىلعا دەيىن.
قازاقستان بويىنشا كومپانيا الەمدىك ستاندارتتارعا ساي، «جاسىل تەحنولوگيالار» قولدانىلعان 260 جانارماي ستانتسيالارىن سالۋدى كوزدەپ وتىر. ولاردىڭ 26 ى قاراعاندى وبلىسىندا ورنالاسادى. جوبا باستاماشىلارى ول جانارماي قۇيۋ ستانسيالارىندا بارلىق وتىن تۇرلەرى قۇيىلىپ، ونىڭ ىشىندە ەلەكتر اۆتوكولىكتەرىنە دە قىزمەت كورسەتىلەتىنىن جەتكىزدى.
- اتاسۋ م ءو ز- نىڭ دايىن ونىمدەرىنىڭ بارلىق جەلىسى ەۋرو-5 ستاندارتتارىنىڭ تالاپتارىنا ساي بولادى، - دەيدى ءامىر ىسماعۇلوۆ.
ونىمەن قوسا، كومپانيا اتاسۋدا ءموز جۇمىسكەرلەرىنە ارنالعان تۇرعىن قالاشىعى مەن الەۋمەتتىك نىساندار - بالاباقشا مەن ەمحانا سالۋدى جوسپارلاپ وتىر.
باسپا ءسوز ءماسليحاتىنا سينگاپۋرلىق ينۆەستور راگۋناندان بالاسۋبرامانيان قاتىستى. ول ءوز سوزىندە قازاقستاندا ينۆەستورلارعا جاقسى جاعداي جاسالعانىن اتاپ ءوتتى.
ەسەپ بويىنشا زاۋىتتى سالۋعا 3000 عا جۋىق قۇرىلىس ماماندىعىنىڭ جۇمىسكەرلەرى قاجەت بولادى ەكەن. ال جوبانى ىسكە اسىرۋ ارقىلى 800 دەن استام جاڭا جۇمىس ورىندارىن قۇرۋعا مۇمكىندىك تۋادى.
