فرانسيا قازاقستانمەن شىعارماشىلىق جوبالارعا قىزىعۋشىلىق تانىتۋدا - ەلشى فيليپپ مارتينە
بۇل مەملەكەتتەردىڭ ونەرپازدارى وسى فەستيفال باستالعالى 17 جىل بويى شاراعا ۇزدىكسىز قاتىسىپ كەلە جاتىر، دەپ حابارلايدى «قازاقپارات» ح ا ا ءتىلشىسى.
Favo نەمىس تريوسى الماتىداعى دجاز فەستيۆالىندە وزدەرىنىڭ ورتالىق ازيا ەلدەرىنە گاسترولدىك ساپارىن باستادى. ولار قازاقستاندا قاراعاندى قالاسىندا جانە الماتى وبلىسىنداعى ايەلدەر كولونياسىندا ونەر كورسەتىپ، كەيىن بىشكەك، دۋشانبە جانە اشحاباد قالالارىنا بارادى.
فرانسيالىق Swing de Paris كۆينتەتى ءوز ونەرلەرىن دجانگو رەينحاردت پەن ستەفان گراپپەلليگە، سونداي-اق الماتىداعى بىلتىرعى دجاز فەستيۆالىنىڭ قاتىسۋشىسى، بىرنەشە اپتا بۇرىن قايتىس بولعان سكريپكاشى ديدە لوكۆۋدقا ارنادى.
بيىل الماتىداعى حالىقارالىق دجاز فەستيۆالى «جاھاندىق الەمدەگى زاماناۋي قازاقستان مادەنيەتى» ارنايى جوباسى، مەملەكەت باسشىسىنىڭ «رۋحاني جانعىرۋ» باعدارلاماسى اياسىندا ءوتتى. قازاقستانداعى فرانسيا ەلشىسى فيليپپ مارتينە مادەنيەتتىڭ ءاردايىم كەز كەلگەن ەلدىڭ ومىرىندەگى ماڭىزدى سالا بولىپ قالا بەرەتىنىن تىلگە تيەك ەتتى. سوندىقتان، فرانسيا دجاز فەستيۆالىن قولداپ، بارلىق ەلدەرمەن، سونىڭ ىشىندە قازاقستانمەن مادەنيەت سالاسىندا ىنتىماقتاستىققا ايرىقشا كوڭىل ءبولىپ كەلە جاتقانىن جانە بىرلەسكەن شىعارماشىلىق جوبالارعا باسا نازار اۋدارىپ وتىرعانىن ايتتى.
«بۇل فەستيۆال الماتىنىڭ ۆيزيتتىك كارتوچكاسى ىسپەتتەس، مۇنداي شارالار قازاقستاندى جاقىننان تانىپ، الماتىنى ورتالىق ازيانىڭ مادەني قالاسى رەتىندە تانىستىرۋعا مۇمكىندىك بەرەدى. فرانسيادا مۋزىكانى دامىتۋ ساياساتى تەك مادەنيەتكە عانا ەمەس، ەكونوميكالىق سالاعا دا اسەر ەتەدى. فەستيۆال اياسىندا وسىندا، سونداي-اق 21- ماۋسىم كۇنى بۇكىل الەمدىك مۋزىكا كۇنىندە قازاقستان مەن فرانسيا وكىلدەرىنىڭ بىرلەسكەن شىعارماشىلىعىنا ارنالعان پلاتفورما قۇرىپ، مۋزىكا مەن ونەردىڭ ساندىق تۇرىندە ىنتىماقتاستىقتى نىعايتامىز دەپ ۇمىتتەنەمىن»، - دەدى فيليپپ مارتينە.
