قازاق جىگىتتەرى وزبەكستاننان قىز الۋدى جيىلەتكەن

استانا. قازاقپارات - سوڭعى ءۇش جىل ىشىندە قازاقستاندىق جىگىتتەرگە كۇيەۋگە شىققان 3 مىڭ شەتەلدىك قىز قازاقستان رەسپۋبليكاسىنىڭ ازاماتتىعىن العان.

بۇل تۋرالى ق ر ىشكى ىستەر مينيسترلىگى حابارلادى.

2015 -جىلى 2474 وزبەكستاندىق قىز قازاقستان ازاماتى اتانسا، 2016 -جىلى 1358، 2017 -جىلى 1350 ازامات تىركەلگەن.

رەسمي اقپاراتقا سايكەس، 2015-2017 -جىل ارالىعىندا 5811 شەتەلدىك قىز-كەلىنشەك قازاقستان ازاماتتارىنا تۇرمىسقا شىققان. ولاردىڭ كوبى وزبەكستاندىق ايەل ادامدار.

ەكىنشى ورىندا - قىرعىزستان، ءۇشىنشى ورىندا رەسەيدىڭ ايەل ازاماتتارى تۇر.

سونىمەن قوسا، ارمەنيا، تاجىكستان، ازەربايجان جانە گرۋزيا ازاماتتارىمەن قۇدا بولعان قازاقستاندىقتاردىڭ دا سانى از ەمەس.