سىرتقى ىستەر مينيسترلىگىنىڭ الداعى مىندەتى قانداي
«مەملەكەت باسشىسىنىڭ العا قويعان مىندەتتەرىن ەسكەرە وتىرىپ، سىرتقى ىستەر مينيسترلىگى جانە بارلىق شەتەلدەردەگى مەكەمەلەر كەلەسى باعىتتار بويىنشا جۇمىستى جالعاستىرۋلارى قاجەت. بىرىنشىدەن، مەملەكەت باسشىسىنىڭ 2018 -جىلعى 10 - قاڭتارداعى «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن ىسكە اسرىۋ جونىندەگى جالپى ۇلتتىق ءىس- شارالار جوسپارىن ىسكە اسىرۋ بويىنشا ق ر س ءى م- ءنىڭ ءىس- شارالار جوسپارىن تۇراقتى باقىلاۋعا الۋ. ەكىنشىدەن، ينۆەستيتسيالار تارتۋعا نەمەسە ءوز ءونىمىن ەكسپورتتاۋعا مۇددەلى وتاندىق كومپانيالارعا تىكەلەي جاردەم كورسەتۋ بويىنشا جۇمىستاردى جالعاستىرۋ» ، - دەپ اتاپ ءوتتى مينيستر.
ونىڭ ايتۋىنشا، بارلىق سىرتقى ىستەر مينيسترلىگىنىڭ قۇجاتتارىن قازاقستاننىڭ 2025 -جىلعا دەيىنگى ستراتەگيالىق دامۋ جوسپارىنا سايكەستەندىرۋ قاجەت. تورتىنشىدەن، ينتەللەكتۋالدى كولىك جۇيەسىن قۇرۋ، ونلاين- رەجىمدە جۇكتەردىڭ قوزعالىسىن جانە ولاردىڭ كەدەرگىسىز ءترانزيتىن باقىلاۋ ماقساتىندا تسيفرلىق تەحنولوگيالاردى اۋقىمدى تۇردە ەنگىزۋ جۇمىستارىن جۇرگىزۋ كەرەك. بەسىنشىدەن، وتاندىق اۋىل شارۋاشىلىعى جانە اگرارلىق- ونەركاسىپتىك كەشەننىڭ وڭدەلگەن ونىمدەرىنىڭ ەكسپورتىن ىلگەرىلەتۋ بويىنشا مۇددەلى مەملەكەتتىك ورگاندارعا، ۇيىمدار مەن كومپانيالارعا جاردەم كورسەتۋ بويىنشا جۇمىستار جالعاستىرىلۋى ءتيىس.
«التىنشىدان، «استانا» حالىقارالىق قارجى ورتالىعىنا 2018 -جىلعى 4 - شىلدەدەگى استانا قالاسىندا ورتالىقتىڭ رەسمي اشىلۋىنا جانە 14- د ي ە ف- ءتى وتكىزۋىنە جاردەم كورسەتۋ جۇمىستارىن جالعاستىرۋ كەرەك. جەتىنشىدەن، قولايلى جاعداي جاساۋ ماقساتىندا شەتەلدىك ازاماتتار ءۇشىن ۆيزالىق رەجىمدى ىرىقتاندىرۋ جانە ەلىمىزدىڭ ينۆەستيتسيالىق بەلسەندىلىگىن ءارى تۋريستىك الەۋەتىن جۇزەگە اسىرۋعا باعىتتالعان قولايلى ۆيزالىق ساياساتتى قالىپتاستىرۋ ءۇشىن قۇقىقتىق نەگىزدى كەڭەيتۋ جۇمىستارىن جالعاستىرۋ قاجەت. سەگىزىنشىدەن، قازاقستاننىڭ قالالارىندا «Smart City» تەحنولوگياسىن دامىتۋ جانە قولدانۋ بويىنشا وزىق حالىقارالىق تاجىريبەنى زەردەلەۋ جۇمىستارىن جالعاستىرعان ابزال» ، - دەدى قايرات ءابدىراحمانوۆ.
