بەيجىڭدە وتكەن دوڭگەلەك ۇستەلدە ەلباسىنىڭ باستامالارى تالقىلاندى - فوتو

بەيجىڭ. قازاقپارات - قازاقستاننىڭ قىتاي حالىق رەسپۋبليكاسىنداعى ەلشىلىگىندە «قازاقستان مەن قىتاي ءوزارا ىنتىماقتاستىقتىڭ جاڭا داۋىرىندە» اتتى دوڭگەلەك ۇستەل وتىرىسى ءوتتى. جيىن بارىسىندا قازاقستاندا بولىپ جاتقان الەۋمەتتىك- ەكونوميكالىق پروتسەستەر مەن قازاقستان- قىتاي ىنتىماقتاستىعىنىڭ بولاشاعى ءسوز بولدى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

قازاقستاننىڭ قىتايداعى ەلشىسى شاحرات نۇرىشەۆ ءوزىنىڭ سوزىندە، قازاقستان پرەزيدەنتى نۇرسۇلتان نازاربايەۆتىڭ قاڭتارداعى جولداۋى مەن ەلباسىنىڭ بيىلعى جىلعى ناۋرىزدا جاريا ەتكەن 5 الەۋمەتتىك باستاماسىنىڭ نەگىزگى باعىتتارىنا توقتالدى.

«وزدەرىڭىز كورىپ وتىرعانداي، پرەزيدەنتتىڭ جولداۋى دا، بەس الەۋمەتتىك باستاماسى دا تسيفرلاندىرۋ، جاڭا تەحنولوگيالار مەن يننوۆاتسيالار تاقىرىبىن قاۋزادى. تىڭ تەحنولوگيالار مەن ولاردى وندىرىسكە ەنگىزۋگە كەلگەندە قىتاي كەيىنگى جىلدارى كوپتەگەن جەتىستىكتەرگە جەتتى. قىتايلىق ءىرى كومپانيالار كاپيتاليزاتسيا بويىنشا باتىس كومپانيالارىن باسىپ وزىپ، الەمدە الدىڭعى قاتارعا شىقتى. سوندىقتان، جاڭا باستامالاردى جۇزەگە اسىرۋ جاعدايىندا قازاقستان جاقىن كورشىسى ءارى سەرىكتەسى - ق ح ر- مەن ءوزارا ءتيىمدى ءارى دوستىق قارىم- قاتىناستى بەكەمدەۋگە مۇددەلى»، - دەدى ول.

ديپلومات ەكى مەملەكەت اراسىنداعى ساياسي ديالوگتىڭ، ەكونوميكالىق كۇن ءتارتىبىنىڭ جوعارى دەڭگەيىن، «نۇرلى جول» باعدارلاماسىنىڭ «ءبىر بەلدەۋ، ءبىر جول» باستاماسىنىڭ ۇشتاسىپ جاتقانىن اتاپ ءوتتى.

 

«ساياسات سالاسىندا ءبىزدىڭ مەملەكەتتتەر باستاپ وتىرعان باستامالاردى قولداۋدىڭ ماڭىزى اسا زور. سىرتقى ساياساتتاعى ۇستانىمدارىمىزدىڭ ءبىر پاراسىنىڭ سايكەستىگى مەن جاقىندىعى وسىعان مۇمكىندىك تۋعىزىپ وتىر. ىشكى ساياساتتاعى قاعيداتتارعا ادال بولىپ قالا وتىرىپ، ءبىز الەمدىك ەكونوميكادا سىني مەجەنىڭ جاقىنداعانىن اتاپ وتىرمىز. قازىرگى تاڭدا الەم ۇلكەن وزگەرىستەرگە ۇشىراپ جاتىر. ساياسي تۇراقسىزدىق پەن ەكونوميكالىق تۋربۋلەنتتىلىك، ترانسۇلتتىق تەرروريزم مەن قىلمىستاردىڭ ءتىپتى ەلدەر مەن كەيدە بۇكىل ايماقتاردا ۋشىعىپ بارا جاتقانى قاۋىپسىزدىكتى قامتاماسىز ەتۋ ماسەلەسىن الدىڭعى قاتارعا شىعارىپ وتىر»، - دەدى ەلشى.

ول ءسوز سوزىندە حالىقارالىق قاقتىعىستاردى رەتتەۋ (استانا پروتسەسى)، جاڭا قاۋىپتەرمەن كۇرەستە ايماقتىق جانە جاھاندىق ىنتىماقتاستىقتى (ۇ ق ش ۇ- داعى ءتوراعالىق) كەڭەيتۋ، بەيبىتشىلىك پەن قاۋىپسىزدىكتى نىعايتۋ (جاھاندىق ستراتەگيالىق باستامالاردىڭ جوسپارى - 2045، «بەيبىتشىلىك. 21- عاسىر» ۇندەۋحاتى)، ب ۇ ۇ قاۋىپسىزدىك كەڭەسىندەگى تۇراقتى ەمەس مۇشەلىك، وسى جىلدىڭ قاڭتار ايىندا اتالعان قۇرىلىمعا ءتوراعالىق ەتۋ، ازياداعى ءوزارا ىقپالداستىق جانە سەنىم شارالارى جونىندەگى كەڭەستى ارى قاراي ينستيتۋتسيوناليزالاۋ، G- Global الاڭىن قۇرۋ، ش ى ۇ- داعى بەلسەندى ۇستانىم بويىنشا قازاقستاننىڭ حالىقارالىق باستامالارىن ەسكە سالدى.

دوڭگەلەك ۇستەل بارىسىندا قىتايلىق ساراپشىلار ق ر پرەزيدەنتىنىڭ جولداۋى مەن بەس الەۋمەتتىك باستاماسىن جوعارى باعالاپ، قازاقستان مەن قىتاي الدارىنا ۇقساس ماقساتتاردى قويىپ وتىرعانىن اتاپ ءوتتى. ەكى ەلدىڭ اراسىندا ارى قاراي جان-جاقتى ستراتەگيالىق ىنتىماقتاستىقتى نىعايتۋ بويىنشا تىڭ يدەيالار ايتىلدى.

شاراعا 40 قا جۋىق وكى قاتىستى. اتاپ ايتقاندا، «G- Global حالىقارالىق حاتشىلىعىنىڭ» جەتەكشىسى سەرىك نوگەربەكوۆ، ق ك پ و ك، ق ح ر س ءى م حالىقارالىق بولىمدەرىنىڭ، ق ح ر مەملەكەتتىك كەڭەسىنىڭ جانىنداعى زەرتتەۋ جانە دامىتۋ ورتالىعىنىڭ ەۋروپا مەن ازيا دامۋ ينستيتۋتىنىڭ، قىتاي زاماناۋي حالىقارالىق قاتىناستار اكادەمياسىنىڭ، قىتاي حالىقارالىق ماسەلەلەر ينستيتۋتىنىڭ، قىتاي قوعامدىق عىلىمدار اكادەمياسىنىڭ رەسەي، شىعىس ەۋروپا مەن ورتالىق ازيا ينستيتۋتىنىڭ، قىتاي حالىق شەكارا سىرتىنداعى دوستىق قوعامداستىعىنىڭ، ق ك پ ورتالىق پارتيا مەكتەبىنىڭ جانىنداعى رەفورمالار فورۋمىنىڭ وكىلدەرى قاتىستى.