ءبىز ديماشتىڭ دارا تۇلعاسىن زەرتتەپ جاتىرمىز - جاڭ حانحۋەي

استانا. قازاقپارات - ق ح ر- دىڭ قازاقستانداعى توتەنشە جانە وكىلەتتى ەلشىسى جاڭ حانحۋەي سوڭعى رەت ەل ۇكىمەتىنىڭ نازارىنا قالاي ىلىككەنىن اڭگىمەلەپ بەردى، دەپ حابارلايدى قازاقپارات ءتىلشىسى.

«قازىرگى كەزدە ءبىز ديماشتىڭ دارا تۇلعاسىن، دارا قۇبىلىسىن زەرتتەپ جاتىرمىز. بيىل قىتايدا وتكەن گالا- كونسەرتتە ديماش تاعى دا ونەر كورسەتتى. سول كەزدە ونى 2 ميللياردقا جۋىق ادام كوردى. بۇرىن ۆيتاس بولسا، قازىر ديماشتىڭ داۋرەنى باستالدى. سول كونسەرتتە ابايدىڭ سوزدەرى دە ايتىلدى. سوسىن ءبىزدىڭ ەلشىلىكتىڭ اتىنان ارنايى قۇتتىقتاۋ وقىلدى. ءسويتىپ، قازاقستان تۋرالى ءۇش رەت ايتتى. ارتىنان باسقا ەلشىلىكتەردە ىستەيتىن ارىپتەستەرىم قوڭىراۋ شالىپ، وسىنداي دەڭگەيگە قالاي جەتكەنىمىزدى قايتا-قايتا سۇرادى. سەبەبى قىتاي ءۇشىن اسا ماڭىزدى شارادا قازاقستان جايىندا ءبىر رەت ەمەس، ءۇش رەت ايتىلدى. ءبىز ءۇشىن ول - ۇلكەن جەتىستىك»، - دەيدى ج. حانحۋەي.

ايتا كەتەيىك، بۇگىن ەلشى ج. حانحۋەي جۋرناليستەرمەن كەزدەسىپ، ەكىجاقتى بايلانىستاردى دامىتۋ جايىندا ايتىپ بەردى. ونىڭ سوزىنە قاراعاندا، قىتايدىڭ قازاق حالقىنا دەگەن قىزىعۋشىلىعى ارتىپ كەلەدى. بۇدان بولەك، ەلشى قىتايداعى اقپاراتتىق تەحنولوگيالاردى دامىتۋ ماسەلەسىنە توقتالدى.