بەيجىڭدە ناۋرىز مەيرامىنىڭ قۇرمەتىنە ستۋدەنتتىك سەرۋەن ءوتتى - فوتو

بەيجىڭ. قازاقپارات - بەيجىڭدەگى وليمپيادا ساياباعىندا ورتالىق ازيا ەلدەرىنىڭ ستۋدەنتتەرى بىرلەسىپ ناۋرىز مەيرامىن تويلادى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.

ستۋدەنتتىك سەرۋەنگە قازاقستان، تاجىكستان، قىرعىزستان، تۇرىكمەنستان، وزبەكستان، رەسەي جانە باسقا دا ەلدەردەن 200 ادام قاتىستى.

جاستار ناۋرىز مەرەكەسى داستۇرىنە قاتىستى ۆيكتورينالار وتكىزىپ، ءان شىرقاپ، ۇلتتىق ءبي بيلەپ، ۇلتتىق اسپاپتاردا ويناعان.

 

باۋىرساق، شەلپەك باسقا دا تاتتىلەردەن داستارحان جايىلعان.

 

ءىس- شارانى قىتايداعى قازاقستان ستۋدەنتتەر قاۋىمداستىعى (KSAC) قىرعىزستان جانە وزبەكستان ۇيىمدارىنىڭ ستۋدەنتتەرىمەن بىرلەسىپ ۇيىمداستىرعان.

 

«ءبىز ناۋرىزدى بىرلەسىپ، ءتۇرلى كونكۋرستار وتكىزىپ، ءان ايتىپ، ءبي بيلەپ، تويلاعىمىز كەلدى. ءبىز شاڭحاي ىنتىماقتاستىق ۇيىمىنىڭ جاستار ليگاسىندامىز»، - دەدى شارانىڭ ۇيىمداستىرۋشىلارى - بەيجىڭدەگى KSAC ءتوراعاسى نۇرالي يرساليەۆ، وزبەكستان ستۋدەنتى ويزودا امينوۆا جانە قىرعىزستان ستۋدەنتى ارتىكبايەۆ بەكەتاي «قازاقپارات» ح ا ا- عا بەرگەن سۇحباتىندا.