كاستامونۋ رەسمي تۇردە تۇركى الەمىنىڭ مادەني استاناسى اتاندى - فوتو
كاستامونۋ مەرياسى مەن تۇركسوي ۇيىمداستىرعان مەرەكەلىك كەشكە تۇركيا رەسپۋبليكاسىنىڭ پرەمەر- ءمينيسترى بينالي يىلدىرىم، پرەمەر- ءمينيستردىڭ ورىنباسارى رەدجەپ اكتاگ، تۇركيا مادەنيەت جانە تۋريزم ءمينيسترى نۋمان كۋرتۋلمۋش، تۇركسوي ۇيىمىنىڭ باس حاتشىسى دۇيسەن قاسەيىنوۆ، كاستامونۋ پروۆينسياسىنىڭ گۋبەرناتورى ياشار كارادەنيز، تۇركيانىڭ ۇلى جينالىسى دەپۋتاتتارى، ديپلوماتيالىق ميسسيا وكىلدىكتەرى، قوعامدىق ۇيىم جانە ب ا ق وكىلدەرى قاتىستى.
باس حاتشى دۇيسەن قاسەيىنوۆ ءوز سوزىندە كاستامونۋ تۇرعىندارىنىڭ مادەني استانا دارەجەسىن ماقتانىشپەن قابىلداعانىن، ەجەلگى تاريحى مەن باي مادەنيەتى بار قالانىڭ بۇل اتاققا لايىق ەكەنىن اتاپ ءوتتى.
سالتاناتتى كەش مەرەكەلىك كونتسەرتكە ۇلاستى. وندا ازەربايجان، قازاقستان، قىرعىزستان، وزبەكستان، تۇركيا، تۇركىمەنستان، رەسەيدىڭ التاي، باشقۇرتستان، ساحا، داعىستان، بۋرياتيا ايماقتارىنان كەلگەن ارتىستەر مەن شىعارماشىلىق ۇجىمدار ونەر كورسەتتى.
كاستامونۋ پروۆينتسياسىنىڭ گۋبەرناتورى ياشار كارادەنيزدىڭ ايتۋىنشا، جىل سوڭىنا دەيىن كاستامونۋدا وتەتىن شارالاردىڭ بارلىعى قالانىڭ تۇركى الەمىندەگى ابىرويىن ارتتىرا تۇسپەك.
ەسكە سالا كەتسەك، قاڭتار ايىندا تۇركيانىڭ كاستامونۋ قالاسىندا 2018 - جىلعى تۇركى دۇنيەسىنىڭ مادەني استاناسى بولىپ جاريالانۋىنا بايلانىستى سالتاناتتى شارا وتكەن بولاتىن.
