قىتايداعى «قازاق جاۋىنگەرى» الەمدىك تۇجىرىم بويىنشا ازيا چەمپيونى اتاندى - كەسكىن
«قازاق جاۋىنگەرى» لاقاپ اتىمەن شارشى الاڭعا كوتەرىلىپ جۇرگەن قانداسىمىز، 14 جەكپە-جەگىندە جەڭىلىپ كورمەگەن فيليپپيندىك بوكسشى كونرادو تانامورمەن (10-0-0, 4 ك و) WBC ABCO تۇجىرىمى بويىنشا جەڭىل سالماقتا (53,5 كەلىگە دەيىن - 118 فۋنت) ازيا چەمپيونى تيتۋلىنا تالاستى.
10 راۋندتقا جوسپارلانعان جەكپە-جەك 3-راۋندتىڭ ورتاسىندا اياقتالدى. ەلشات قارسىلاسىن 3 رەت نوكداۋنعا ءتۇسىرىپ، تورەشى ايقاستى توقتاتتى.
«جالپى فيليپپيندىك بوكسشىلار ءتوزىمدى كەلەدى. قارسىلاسىم بۇعان دەيىنگىلەردىڭ ىشىندەگى ەڭ مىقتىسى بولدى دەسەم بولادى. ول الەمگە تانىمال مەنني پاكياونىڭ بازاسىندا جاتتىعادى جانە ەشقاشان جەڭىلىپ كورمەگەن. تۋرا باعىتتالعان ءبىر اۋىر سوققىم جەڭىسكە جەتۋىمە كومەگىن تيگىزدى»، - دەيدى ەلشات قازاقپارات تىلشىسىنە بەرگەن سۇحباتىندا.
ايتا كەتەيىك، ەلشات نىعماتوللا ۇلى بۇعان دەيىن WBO تۇجىرىمى بويىنشا قىتاي چەمپيونى بەلدىگىن جەڭىپ العان بولاتىن.
اۆتورى مۇحتار قاليموللا ۇلى
