قىتايلىق تانىمال بلوگەرلەردى قازاقستان نەسىمەن تاڭقالدىردى - فوتو
قوناقتار قازاقتىڭ ۇلتتىق تاعامدارىنان ءدام تاتىپ، قوناقجايلىعىنا ءتانتى بولدى، بۋرابايدىڭ تابيعاتىنا تامساندى، دەپ حابارلادى ەلوردا ينفو.
تۋر قۇرامىنا قىتايدىڭ تانىمال ءۇش بلوگەرى مەن جۋرناليسى كىردى. ولاردىڭ ءبىرى تاۋەلسىز شولۋشى- ساياحاتشى، شينحۋا جاڭالىقتار اگەنتتىگىنىڭ جانە قىتاي باسپا ءسوز قاۋىىمداستىعىنىڭ رەسمي فوتوگرافى شيان فان يۋان جين. ول «قوناق ءۇي ىسىنەن» ءدارىس بەرەدى. بۇكىل قىتايدا 100 ميلليوننان استام وقىرمانى بار. ال الەۋمەتتىك جەلىدە 2,69 ميلليون وقىرمانى بار تاجىريبەلى ساياحاتشى، فوتوگراف شاۋ يۋان قىتايدىڭ 200 دەن استام قالاسىن جانە الەمدىڭ بارلىق قۇرلىعىنداعى 40 تان استام ەلگە ساپارلاعان. تانىمال قىتايلىق ساياحاتشى جانە جاۋزۋشى گو چىننىڭ الەۋمەتتىك جەلىدە 43 ميلليوننان استام وقىرمانى بار. سونىمەن قاتار جۋرناليست شاي ۋەي حۋان دا تۋر قۇرامىنا كىرىپ وتىر.
قوناقتار ەلىمىزدە 18-26 -ناۋرىز ارالىعىندا بولادى. «Kazakh Tourism» ۇلتتىق كومپانياسىنىڭ باسقارما ءتوراعاسى راشيد كۇزەمبايەۆتىڭ ايتۋىنشا، بلوگتۋر ناۋرىز مەيرامىنىڭ تانىمالدىلىعىن ارتتىرۋ، قىتاي تۋريستەرى اراسىندا قازاق حالقىنىڭ قوناقجايلىلىعى مەن داستۇرلەرىن ىلگەرىلەتۋگە باعىتتالعان.
بلوگەرلەر بايتەرەكتى، ازىرەت سۇلتان مەشىتىن، بەيبىتشىلىك پەن كەلىسىم سارايىن، تاۋەلسىزدىك سارايىن تاماشالاپ، ەكسپو اۋماعىنداعى حالىقتىق سەرۋەنگە قاتىستى.
قوناقتار ۇلتتىق تاعامدارعا تامساندى. ولار ەت، ناۋرىز كوجە، قۋىرداق، قىمىز، شۇبات جانە ءداستۇرلى تاتتىلەردەن ءدام تاتتى.
«بارلىق جەردە دە مول جايىلعان داستارقانمەن قارسى الدى جانە ءار ۋاقىتتا دا ءدامدى تاعام وتە كوپ بولدى. بۇعان دەيىن ەش جەردەن مۇنداي قوناقجايلىلىقتى كورگەن ەمەسپىن»، - دەپ اتاپ وتەدى شيان فان يۋان جين.
بلوگەرلەر وزدەرىنىڭ الەۋمەتتىك جەلىلەردەگى پاراقشالارى ارقىلى تازا كولدەرى مەن قالىڭ ورماندارى بار قازاقستاننىڭ سۇلۋ تابيعاتى، ەل حالقىنىڭ قوناقجايلىلىعى جايىندا جازبالار قالدىردى. ولاردى شۋچە- بۋراجاي كۋرورتتى ايماعىنىڭ قىسقى پەيزاجى - «جۇمباقتاس»، اسپان ءتۇستى كوك مۇز جابىلعان كول جانە قاراعايلى ورمان سۇلۋلىعى تاڭدانىستارىن تۋدىردى. اتقا ءمىنىپ، قازاقستاندىق «لاپلانديادا» ءيت جەتەگىندەگى شاناعا وتىرۋ دا قوناقتارىڭ كوڭىلىنەن شىقتى.
بلوگەرلەرگە ارنالعان تۋر الماتىدا جالعاسادى. وڭتۇستىك استانادا ولار قالانىڭ باستى الاڭىنداعى ناۋرىز مەيرامىنا العان جالپىحالىقتىق سەرۋەنگە قاتىسىپ، كوكتوبە، مەدەۋ، شىمبۇلاق جانە وزگە دە كورىكتى جەرلەردى ارالايدى. ءۇشقوڭىر مەن شارىن شاتقالدارىنا دا ساپارلارى جوسپارلانىپ وتىر.
تۋر قورىتىندىسىندا قىتايلىقتار قازاقستاننىڭ ەتنو جانە ەكوتۋريزمى جايىندا كەڭىنەن ماعلۇمات الادى دەپ كۇتىلۋدە. ال بلوگەرلەردىڭ وزدەرى دە الداعى ۋاقىتتا قازاقستانعا جاز جانە قىس ايلارىندا كەلۋگە ۋادە بەرىپ وتىر.
ايتا كەتەرلىگى، كەلەسى جىل رەسەي بلوگەرلەرى شاقىرىلادى.
