كىتاپ تۋرالى قىزىقتى مالىمەتتەر
يتاليالىق ريو كوزەللي ەڭ ءىش پىستىرارلىق كىتاپتاردى جينايدى. ونىڭ توپتاماسىندا 10 مىڭ توم كىتاپ بار. ءبىر يتاليا اقىنى كىتابىن سول جەردەن كورىپ، ءوز- وزىنە قول جۇمساۋعا شاق قالعان.
الەمدە كىتاپتاردىڭ جارتىسىنان كوبىن 45 جاستان اسقاندار ساتىپ الادى.
ءبىر رومان جازۋعا شامامەن 500 ساعات ۋاقىت كەتەدى ەكەن.
حورمەن كىتاپ وقۋ مارافونىنىڭ ەڭ ۇزاق ۋاقىتى - 224 ساعات.
عىلىمدا كىتاپ ۇرىلارىن - بيبليوكلەپتومان دەپ اتايدى. الەمگە ايگىلى بيبليوكلەپتومان - ستيۆەن بلۋمبەرگ. ول 270 كىتاپحانادان 23 مىڭ سيرەك كەزدەسەتىن كىتاپتار ۇرلاعان. توپتاماسىنىڭ جالپى باعاسى 20 ميلليون دوللاردان اسادى.
دۇنيەدەگى ەڭ ۇلكەن سوزدىك - «نەمىس سوزدىگى» (Deutsches Wortetbuch) ، ونى 1854 -جىلى ياكوب پەن ۆيلگەلم گريمم جازا باستاعان. كەيىن باسقا دا عالىمدار تولىقتىرىپ، 1971 -جىلى جازىلىپ بىتكەن. 33 تومنان تۇراتىن كىتاپتىڭ 34519 بەتى بار.
قازىرگى زامانعى ەڭ تانىمال جازۋشى - اگاتا كريستي. ونىڭ كىتاپتارى ءالى دە الەمنىڭ 50 تىلىندە باسپادان شىعىپ كەلەدى. وسى كۇنگە دەيىن اگاتا كىتاپتارىنىڭ تارالىم سانى 2 ميللياردتان استى.
الەمدەگى ەڭ اۋىر كىتاپ - ۇلىبريتانيا مۇراجايىندا ساقتالىپ تۇرعان XVII عاسىرعا ءتان گەوگرافيالىق كارتا. ونىڭ بويى 1,9 مەتر؛ سالماعى 320 كيللوگرامم. Google الەمدە جارىق كورگەن بارلىق ادەبي، عىلىمي، پۋبليتسيستيكالىق شىعارمالار سانىن ەسەپتەگەندە ولاردىڭ سانى 130 ميلليوننان اسقان.
ميۋتىنا 2000 ءسوز وقىعان ناپولەون الەمدەگى ەڭ تانىمال كىتاپ كەيىپكەرى. ول تۋرالى 10 مىڭنان استام ءتۇرلى جانرلاردا كىتاپ جازىلعان. % 95 ادام مينۋتىنا 210 ءسوز نەمەسە 2 مينۋتتا 1,5 بەت وقىسا، بالزاك جارتى ساعاتتا 200 بەت وقىعان.
بۇرىن كىتاپ اسا قىمبات قازىنا بوپ ەسەپتەلگەن. ХVIII عاسىرعا دەيىن كەيبىر كىتاپحانالار كىتاپتى شىنجىرمەن بايلاپ قويعان. كىتاپتى اقىرىن وقىساڭىز 60 پايىزىن، تەز وقىساڭىز 80 پايىزىن ەستە ساقتاپ قالاسىز.
الەمدەگى ەڭ ۇلكەن كىتاپ گونورارىن ريم يمپەراتورى مارك اۆرەليي گرەك اقىنى وپپيانعا تولەگەن. ونىڭ «بالىق ۇستاۋ جانە اۋ» (گالييەۆتيكا، Ἁλιευτικά) داستانىنىڭ ءار بەتىنە 1 دانا التىننان تولەپ وتىرعان. داستان 20 مىڭ بايىتتەن تۇرادى ەكەن. الەمدەگى ەڭ قىمبات "لەستەرس كودەكسى" (Codex Leicester) كىتابىن لەوناردو دو ۆينچي قايتا كوشىرىپ شىققان، ونى اتاقتى بيلل گەيتس ءباسساۋدادا 30,8 ميلليون دوللارعا ساتىپ العان.
تانىمال گوللاند دارىگەرى گەرمان بۋرگاۆەنىڭ «مەديتسينا ونەرىنىڭ جالعىز ءھام تەرەڭ سىرى» اتتى كىتابى ءوزى قايتىس بولعاننان كەيىن 1738 -جىلى 10 مىڭ دوللارعا ءباسساۋدادا ساتىلادى. ادەمى بەزەندىرىلگەن جانە قۇلىپتالعان 100 بەتتەن تۇراتىن كىتاپتى اشقاندا، بارلىق بەتى بوس بولىپ شىققان. تەك، ءبىرىنشى بەتكە عانا «باسىڭدى سۋىقتا قالدىرساڭ دا، اياعىڭدى جىلى ۇستاساڭ، سەن ەڭ بىلىكتى دارىگەرلەردى دە كەدەي ەتەسىڭ» دەپ جازىلعان ءبىر عانا ءسوز بولعان.
دۇنيەدەگى ەڭ ەجەلگى كىتاپ ءبىزدىڭ زامانىمىزعا دەيىنگى 3350 -جىلى جازىلعان. بۇل قولجازبا ونى تاپقان ەميل پريسس قۇرمەتىنە "پريسس پاپيرۋسى" دەپ اتالعان. اۆتورى پەرعاۋىننىڭ ءۋازىرى - پتا گوتەپ. ول جاستاردىڭ ەرىنشەكتىگىن، جالقاۋلىعىن سىناعان.
Massaget.kz
