قىتايداعى شاندۇڭ كورمەسى: قازاقستاندىق اگرارشىلار جاڭا تەحنولوگيالارمەن تانىستى
14 ادامنان قۇرالعان قازاقستاندىق بيزنەسمەندەر دەلەگاتسياسىنىڭ كورمەگە قاتىسۋىن «قازاقستان- قىتاي ساۋداعا جاردەمدەسۋ قاۋىمداستىعى» ز ت ب ۇيىمداستىردى.
قازاقستاننان بارعان دەلەگاتسيانى يانجوۋ ايماعىنداعى جينين قالاسىنىڭ كومپارتيا حاتشىسى ۋاڭ حۋنۆەي قارسى الىپ، قازاقستاندىق كاسىپكەرلەردى يانجوۋ ونەركاسىپتىك ايماعىمەن تانىستىردى.
ارتىنشا كاسىپكەرلەر قىتايدىڭ اۋىلشارۋاشىلىق تەحنيكالارىن، قۇرىلىس تەحنيكالارىنىڭ قوسالقى بولشەكتەرىن شىعارۋعا ماماندانعان بىرنەشە كومپانياسىن ارالادى.
بيىل شاندۇڭ كورمەسى اۋىلشارۋاشىلىق تەحنيكاسى تاقىرىبىنا ارنالدى. شاندۇڭ پروۆينسياسى قارجىلاندىرعان «جاسىل ينتەللەكت جانە يننوۆاتسيالار» اتتى جيىندا اۋىل شارۋاشىلىعىنىڭ الۋان ءتۇرلى تەحنيكالارى تانىستىرىلدى. شارا بارىسىندا قازاقستاندىق كاسىپكەرلەر اۋىلشارۋاشىلىق ماشينالارىن جاساۋ، توپىراق وڭدەۋ سالالارىنداعى سوڭعى جەتىستىكتەردى كوردى.
كورمە بىرنەشە بولىكتەن تۇردى. ماسەلەن، اۋىلشارۋاشىلىق قوندىرعىلارىنىڭ «اقىلدى» بولىگىندە اقپارات وڭدەۋدىڭ ينتەللەكتۋالدىق اۋىلشارۋاشىلىق تەحنولوگياسى، قاشىقتىقتان باقىلاۋ تەحنولوگياسى جانە گەولوگيالىق اقپاراتتىق جۇيە، ينتەللەكتۋالدىق قۇرىلعىلار، اۋىلشارۋاشىلىق ينتەرنەت- تەحنولوگيالارى جانە سپۋتنيكتىك ناۆيگاتسيالىق قۇرىلعىلار كورسەتىلدى.
«قىتاي حالىق رەسپۋبليكاسى مەن قازاقستان رەسپۋبليكاسى جالپى ەكونوميكا تۇرعىسىنان دا، اگروونەركاسىپ كەشەنىن دامىتۋدىڭ ناقتى ماسەلەلەرى تۇرعىسىنان دا ماڭىزدى ستراتەگيالىق ارىپتەستەر بولىپ تابىلادى. اۋىل شارۋاشىلىعى ونىمدەرىن وڭدەۋ مەن دامىتۋعا ينۆەستيتسيا تارتۋ بويىنشا ق ر جانە ق ح ر اراسىنداعى ىنتىماقتاستىقتىڭ ماڭىزدى ەكەندىگىن ق ر پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيڭ 2017 -جىلى استاناداعى كەزدەسۋ اياسىندا قاداپ ايتقان بولاتىن.
بىرەگەي تابيعات- كليماتتىق مۇمكىندىكتەرى بار، ۇلان- عايىر اۋماققا يە قازاقستان بولاشاقتا اۋىلشارۋاشىلىق ونىمدەرىن شىعارۋ جانە وڭدەۋ سالاسىندا الەمنىڭ كوشباسشىسىنا اينالۋى مۇمكىن. ول ءۇشىن نە قاجەت؟ دايەكتى اگرارلىق ساياسات جانە ستراتەگيالىق ينۆەستورلاردى جۇمىلدىرۋ قاجەت. بۇل ماسەلەدە قىتاي ءىس جۇزىندە قولداۋ كورسەتۋى مۇمكىن»، - دەيدى «قازاقستان- قىتاي ساۋداعا جاردەمدەسۋ قاۋىمداستىعى» ز ت ب باسقارما ءتوراعاسى بەيسەك قانات.
سونداي-اق كورمەدە ەگىن ورۋ ماشينالارى، سۋارۋ قوندىرعىلارى، وسىمدىكتەردى قورعاۋعا ارنالعان قۇرىلعىلار، دالا جۇمىستارىن باسقارۋدىڭ جاڭا تەحنولوگيالارى دا جۇرتتىڭ نازارىن اۋداردى.
«ەكىجاقتى كەزدەسۋلەر ناتيجەسىندە قازاقستاننىڭ «ازام- كس» ج ش س مەن قىتايدىڭ «JINAN BODOR CNC MACHINە» كومپانيالارى اراسىندا مەتالل كەسەتىن لازەرلىك قوندىرعىنى جەتكىزۋ بويىنشا كەلىسىمگە قول جەتكىزىلدى. سونداي-اق «قازاقستان- قىتاي ساۋداعا جاردەمدەسۋ قاۋىمداستىعى» مەن «يانجوۋ ءوڭىرىنىڭ تسزينين قالاسى حالىق ۇكىمەتى» اراسىندا مەموراندۋمعا قول قويىلدى»، - دەيدى دەلەگاتسيا باسشىسى، «قازاقستان- قىتاي ساۋداعا جاردەمدەسۋ قاۋىمداستىعى» ز ت ب باسقارما ءتوراعاسىنىڭ ورىنباسارى ج. ىبىرايەۆ.
ەسكە سالا كەتەيىك، قىتايدا 8 مىڭعا جۋىق كاسىپورىن اۋىل شارۋاشىلىعىنا ماماندانعان 3 مىڭ ءتۇرلى ماشينالاردى شىعارادى، ولار الەمنىڭ 211 ەلى مەن وڭىرىنە ەكسپورتتالادى.
شاندۇڭ پروۆينسياسى - قىتايدىڭ اۋىل شارۋاشىلىعىنا ماماندانعان ەڭ ءىرى ءوڭىرى. مۇندا اۋىلشارۋاشىلىق تەحنيكالارىن شىعاراتىن 2 مىڭ كاسىپورىن شوعىرلانعان. ءوڭىردىڭ 2016 -جىلعى ماشيناجاساۋ ەكسپورتى 200 ميلليون ا ق ش دوللارىن قۇرادى.
