وزبەكستان پرەزيدەنتى استاناعا كەلدى

استانا. قازاقپارات - وزبەكستان پرەزيدەنتى شاۆكات ميرزيەيەۆ ورتالىق ازيا ەلدەرى باسشىلارىنىڭ جۇمىس (كونسۋلتاتيۆتىك) كەزدەسۋىنە قاتىسۋ ءۇشىن استاناعا كەلدى، دەپ حابارلايدى قازاقپارات.

مارتەبەلى مەيماندى ەلوردا اۋەجايىنان ق ر پرەمەر-ءمينيسترىنىڭ ءبىرىنشى ورىنباسارى اسقار مامين كۇتىپ الدى.

ايتا كەتەيىك، بۇگىن ەلوردادا ورتالىق ازيا ەلدەرى، سونىڭ ىشىندە قازاقستان رەسپۋبليكاسى، قىرعىز رەسپۋبليكاسى، تاجىكستان رەسپۋبليكاسى، تۇرىكمەنستان جانە وزبەكستان رەسپۋبليكاسى باسشىلارىنىڭ جۇمىس (كونسۋلتاتيۆتىك) كەزدەسۋى وتەدى. تۇرىكمەنستاندا جوعارى دەڭگەيدەگى ءىس-شارالاردىڭ الدىن الا جوسپارلانۋىنا بايلانىستى بۇل ەلدەن اتالعان جيىنعا ماجىلىس ءتورايىمى ا. ت. نۋربەردىيەۆا حانىم قاتىسادى.

سونىمەن قاتار بۇگىن ن. نازاربايەۆ پەن ش. ميرزيەيەۆتىڭ قاتىسۋىمەن قازاقستانداعى وزبەكستان جىلىنىڭ سالتاناتتى اشىلۋ ءراسىمى وتەدى. سونداي-اق، ەكى ەل كوشباسشىلارى ونەر قايراتكەرلەرىنىڭ گالا-كونسەرتىنە قاتىسادى.