وزبەكستان پرەزيدەنتى قازاقستاندىقتاردان الىنعان بليتس-ساۋالنامانى جاريالادى - كەسكىن

استانا. قازاقپارات - قازاقستاندىقتار «وزبەكستان جايلى نە بىلەسىز؟» دەگەن سۇراققا جاۋاپ بەردى.

بليتس-ساۋالنامانىڭ ۆيدەوسى وزبەكستان پرەزيدەنتىنىڭ پاراقشاسىندا جاريالاندى، دەپ حابارلايدى «قازاقپارات» ح ا ا.

ساۋالناما بارىسىندا قازاقستاندىقتار وزبەكستاننىڭ وزدەرى بىلەتىن قالالارى، مادەنيەتى، تاعام تۇرلەرى، كينوسى، تانىمال تۇلعالارىن اتاپ بەردى.

بۇعان دەيىن حابارلانعانداي، وزبەكستاننىڭ پرەزيدەنتى شاۆكات ميرزيەيەۆ قازاقستان پرەزيدەنتى نۇرسۇلتان نازاربايەۆتىڭ شاقىرتۋىمەن 2018-جىلدىڭ 15- ناۋرىزىندا استاناعا جۇمىس ساپارىمەن كەلەدى.

ساپار بارىسىندا وزبەك دەلەگاتسياسى كەڭ اۋقىمدى كۇنتارتىپتى قامتيتىن ورتالىق ازيانىڭ ەلدەرى مەملەكەت باسشىلارىنىڭ ءبىرىنشى جۇمىس (كونسۋلتاتيۆتىك) كەزدەسۋىنە قاتىسادى.

بۇدان بولەك، وزبەكستان باسشىسى قازاقستانداعى وزبەكستان جىلىنىڭ رەسمي اشىلۋ راسىمىنە قاتىسادى. سونداي-اق وزبەكستان پرەزيدەنتى مەن قازاقستان پرەزيدەنتىنىڭ ەكىجاقتى كەزدەسۋى جوسپارلانعان.