قازاقستان مەن پولشا ۆيزا ماسەلەلەرىن تالقىلادى
قازاقستان دەلەگاتسياسىن سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ ديرەكتورى ارداق ماديەۆ، پولياك تاراپىن پولشانىڭ س ءى م كونسۋلدىق دەپارتامەنتى ديرەكتورىنىڭ ورىنباسارى بەاتا بجىۆچى حانىم باسقاردى.
پولياك تاراپى قازاقستان مەن ەۋروپالىق وداق اراسىنداعى ۆيزالىق رەجيمدى جەڭىلدەتۋ جونىندەگى استانانىڭ باستاماسىن قايتا قولداپ، سونداي-اق وسى ماسەلە بويىنشا ودان ءارى قولعابىس كورسەتەتىنى تۋرالى نيەت ءبىلدىردى.
كونسۋلتاتسيالار شەڭبەرىندە، قازاقستان قىزمەتتىك پاسپورتتار يەلەرىن ۆيزالىق تالاپتاردان بوساتۋ مۇمكىندىگى، قازاقستاندىق ستۋدەنتتەرگە پولياك ۆيزالارىن الۋ ءراسىمىن جەڭىلدەتۋ جانە پولياك ورگاندارىمەن قازاقستاندىق ازاماتتارىنىڭ ءبىلىمى تۋرالى اتتەستاتتارى مەن ديپلومدارىن تانۋ (نوستريفيكاتسيا)، قۇجاتتاردى زاڭداستىرۋ، ەكى ەلدىڭ ازاماتتارىن كونسۋلدىق-قۇقىقتىق قورعاۋمەن قامتاماسىز ەتۋ تۋرالى سۇراقتار، سونداي-اق ادامداردىڭ رەادميسسياسى تۋرالى ەكىجاقتى كەلىسىمدى جۇزەگە اسىرۋدىڭ تاجىريبەلىك ماسەلەلەرى تالقىلاندى.
وتكەن كەلىسسوزدەر ەكى ەلدىڭ ازاماتتارى مەملەكەتتىك ورگاندارعا جۇگىنگەن كەزدە زاڭدىق راسىمدەردىڭ جەڭىلدەتۋىنە باعىتتالعان كونسۋلدىق سالاداعى ەكىجاقتى بايلانىستاردى دامىتۋعا ءوزارا قىزىعۋشىلىقتى راستادى.
