قىتاي ق ر پرەزيدەنتىنىڭ الەۋمەتتىك باستامالارىن قولدايدى - ق ح ر س ءى م
«قىتاي مەن قازاقستان - تاتۋ كورشى جانە جان-جاقتى ستراتەگيالىق سەرىكتەستەر. سوڭعى جىلدارى ەكى مەملەكەتتىڭ ستراتەگيالىق كوشباسشىلارىنىڭ - ءتوراعا شي جينپيڭ مەن پرەزيدەنت نۇرسۇلتان نازاربايەۆتىڭ باسشىلىعىمەن - ءبىزدىڭ ەلدەر كوپتەگەن تابىستى جانە ءتيىمدى بايلانىستاردى دامىتىپ، قىتاي مەن قازاقستان حالقىنىڭ ءومىرىن جاقسارتىپ جاتىر.
قىتاي تاراپى قازاقستان كوشباسشىسىنىڭ قازاقستان حالقىنىڭ ءومىرىن جاقسارتۋ بويىنشا ۇسىنىستارى مەن باستامالارىن قولدايدى جانە (ن. نازاربايەۆتىڭ بەس الەۋمەتتىك باستاماسى) قازاقستان مەملەكەتتىك قۇرىلىسىندا جاڭا جەتىستىكتەرگە قول جەتكىزۋگە مۇمكىندىك بەرەتىنىنە سەنەدى»، - دەدى ول بريفينگتە «قازاقپارات» ح ا ا ءتىلشىسىنىڭ سۇراعىنا جاۋاپ بەرە وتىرىپ.
سونداي-اق، ول قازاقستان-قىتاي ىنتىماقتاستىعى مەملەكەتارالىق قاتىناستاردى دامىتۋ جانە كورشىلەس ەلدەردىڭ ءوزارا ءىس-قيمىلى ءۇشىن ۇلگى بولاتىنىن اتاپ ءوتتى.
