ق ح ر باس پروكۋراتۋراسى قازاقستانمەن ىنتىماقتاستىقتى ۇلگى ەتتى
بۇل تۋرالى ق ح ر جوعارعى حالىقتىق پروكۋراتۋراسى (ج ح پ) باس پروكۋرورى تساو تسزيانمين مالىمدەدى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
ونىڭ ايتۋىنشا، وتكەن بەس جىلدىڭ ىشىندە ج ح پ حالىقارالىق پروكۋرورلار قاۋىمداستىعىنىڭ ءىس- قيمىلىن بەلسەندى تۇردە دامىتا وتىرىپ «ءبىر بەلدەۋ، ءبىر جول» قۇرىلىسىنا اۋقىمدى ۇلەس قوستى. اتاپ ايتقاندا، شانحاي ىنتىماقتاستىق ۇيىمىنا مۇشە- مەملەكەتتەر (ش ى ۇ) باس پروكۋرورلارىنىڭ، قىتاي جانە ا س ە ا ن باس پروكۋرورلارىنىڭ وتىرىستارىن ۇيىمداستىردى.
سونداي- اق ول قىتاي جوعارعى حالىقتىق پروكۋراتۋراسى 95 شەتەلدىك ۇلتتىق جانە ءوڭىرارالىق قۇقىق قورعاۋ قۇرىلىمدارىمەن لاڭكەستىككە قارسى كۇرەستە، قىلمىسكەرلەردى ىزدەۋ جانە ۇرلانعان مۇلىكتەردى كەرى قايتارۋ، سونداي- اق تەلەكوممۋنيكاتسيالىق سالالار مەن كيبەركەڭىستىكتە قىلمىسقا قارسى كۇرەستە ىنتىماقتاستىق بويىنشا 145 ەكى جاقتى كەلىسىم جاسالعاندىعىن حابارلادى. بۇل باعىتتا 2013 -جىلى 675 قىلمىستىق ءىس بويىنشا شەتەلدىك ارىپتەستەرگە كومەك كورسەتىلگەن.
تساو تسزيانمين ءوز سوزىندە 2017 -جىلى پروكۋرورلاردىڭ حالىقارالىق قاۋىمداستىعىنىڭ 22-جىل سايىنعى كونفەرەنسياسى ۇيىمداستىرىلعانىن، وعان الەمنىڭ 98 ەلىنەن 500 دەن استام وكىل قاتىسقاندىعىن اتاپ ءوتتى.
ەسكە سالا كەتسەك، بۇل كونفەرەنسياعا قازاقستان رەسپۋبليكاسى باس پروكۋرورىنىڭ ورىنباسارى اندرەي لۋكين دە قاتىسقان بولاتىن.