وزىنە سىيلانعان گۇلدى ساتىلىمعا شىعارعان بويجەتكەن ەلدى كۇلكىگە قارىق قىلدى

None
None
استانا. قازاقپارات - نازىك جاندىلار قاۋىمىنىڭ ءتول مەرەكەسى قارساڭىندا گۇل بيزنەسىنىڭ ەرەكشە قىزاتىنى بەلگىلى.

بۇل ءساتتى تەك گۇل ساتۋشىلار عانا ەمەس، ونى وزىنە سىيلىققا الۋشىلار دا ۇتىمدى پايدالانىپ قالماق بولعان. جەلىدە تاراعان مىنا ءبىر حابارلاندىرۋ سوعان دالەل بولا الادى. وندا الدەكىم بويجەتكەن وزىنە تارتۋ ەتىلگەن كەرەمەتتەي راۋشان گۇلدەردى عالامتور ارقىلى ساتىلىمعا شىعارىپ، پايدا كورگىسى كەلگەنىن اڭعارۋعا بولادى.

«وزىمە سىيلىق رەتىندە بەرىلگەن گوللاندىق راۋشان گۇلدەرىن ساتامىن. 11 دانا. وتە ادەمى گۇل شوعى. مۇنداي گۇلدەر كەمىندە 7500 تەڭگە تۇرادى. بيىكتىگى ءبىر مەتر» دەپ جازىلعان حابارلاندىرۋدا تاۋاردىڭ باعاسى 6000 تەڭگە ەكەنى كورسەتىلگەن. مۇنىمەن قوسا بويجەتكەن بۇل گۇل شوعىن ءوزى بۇگىن سىيعا العانىن اتاپ وتكەن. ال حابارلاندىرۋ ارادا ءبىر ساعات وتكەن سوڭ ىلىنگەن. ەرەكشە جارنامانى وقىعان جەلىدەگىلەر بويجەتكەننىڭ پىسىقتىعىنا ءتانتى بولىپ، ءتىپتى كۇلكىگە اينالدىردى.

«قازاقشا بيزنەس قوي»، «سوسىن ول اقشاعا سەن 9 -مامىردا سىيلىق الاسىڭ با؟»، «گۇلدەن گورى اقشا كەرەك بولعان عوي. كۇلكىلى...»، «پىسىق قىز ەكەن»، «بيزنەس باستاۋدى» وقىعان عوي مىنا قىز»، «باسى ىستەيدى ەكەن مىنا قىزدىڭ، كۇشتى يدەيا عوي»، «بۇل بار بولعانى بيزنەس. باسقا ەشتەڭە ەمەس» دەپ جازدى جەلى قولدانۋشىلارى. دەگەنمەن جارناما يەسىن بۇل ارەكەتى ءۇشىن سوككەندەر دە جوق ەمەس.

«وزىنە سىيعا تارتۋ ەتىلگەن گۇلدى وسىلايشا ساتپاق بولسا، تىم تومەن ءتۇسىپ كەتكەن ەكەن»، «ۇياتى جوق، وزىنە سىيعا تارتۋ ەتىلگەن گۇل شوعىن قالايشا ساتپاق؟ باعالامايدى ەكەن» دەپ جازدى جەلىدەگىلەر.

پىكىر قالدىرۋشىلار اراسىندا گۇلىن ساتپاق بولعان جانعا تۇسىنىستىكپەن قاراپ، جاقتاپ شىققاندار دا بولدى.

«گۇل ەمەس، ونىڭ اقشاسىن بەرۋ كەرەك ەدى بۇل قىزعا»، «بۇلاي جاسايتىندار جالعىز بۇل قىز ەمەس»، «اقشا قاتتى قاجەت بولعان سوڭ وسىنداي قادامعا بارعان شىعار»، «جىگىتتەر، ەندەشە گۇل سىيلاماڭدار قىزدارىڭا. ونىڭ ورنىنان وزگە سىيلىق بەرىڭدەر نەمەسە اقشالاي سىيلىق جاساڭدار»، «دۇرىس قوي، تۇرا بەرسە تەككە سولىپ قالادى. قايتا اقشاسى قالادى»، «مەنىڭ گۇلىمدى وسىلاي ساتىپ بەرىڭدەرشى»، «سوندىقتان قىزدارعا قاجەت سىيلىق جاساڭدار» دەپ ءبىر- بىرىنە كەڭەس بەردى جارنامانى كورگەن قازاقستاندىقتار.

 

دەرەككوزى: ernur.kz

سوڭعى جاڭالىقتار