قازاقستاندىقتار بۇگىننەن باستاپ بىرىككەن اراب امىرلىكتەرىنە ۆيزاسىز ساپارلاي الادى
بۇعان دەيىن حابارلاعانىمىزداي، ق ر س ءى م قايرات ءابدىراحمانوۆ 2017 -جىلى بىرىككەن اراب امىرلىكتەرىنە بارلىق ءتولقۇجات تۇرلەرىمەن ۆيزاسىز قاتىناۋ جونىندەگى كەلىسىم جاسالعانىن مالىمدەگەن بولاتىن. اتالعان قۇجاتتى ب ا ءا بارلىق امىرلىكتەرى ماقۇلداعان.
ەندىگى كەزەكتە ۆيزاسىز ساپارلايتىن قازاقستاندىقتار نەنى ءبىلۋى كەرەك؟ ۆيزاسىز رەجيمنىڭ قانداي تالاپتارى بار؟ ب ا ءا- دەگى ق ر ەلشىسى قايرات لاما شاريف ۆيزاسىز ساپار اياسىندا وتانداستارى نەنى ەسكەرۋى كەرەكتىگى تۋرالى ءوزىنىڭ الەۋمەتتىك جەلىدەگى پاراقشاسىندا جازعان ەدى.
سونىمەن قازاقستاندىقتار اتالعان ەلدە 30 كۇنگە دەيىن ۆيزاسىز جۇرە الادى. ال ول مەرزىمنەن اسىپ كەتسە ايىپپۇل تولەيدى. ايىپپۇل كولەمى جەرگىلىكتى زاڭناماعا سايكەس، ءبىرىنشى كۇنى 200 ديرحام، ال ودان كەيىنگى كۇندەر ءۇشىن 100 ديرحام بولىپ بەلگىلەنگەن.
ۆيزاسىز رەجيم كەزىندە كەلىسسوزدەر مەن كەزدەسۋلەر وتكىزۋگە رۇقسات ەتىلگەن. الايدا، بۇل جۇمىس ىستەۋ ماقساتىندا كوزدەلمەگەن.
