بەرليندە قازاقستاننىڭ تۋريستىك الەۋەتى تالقىلاندى

None
None
بەرلين. قازاقپارات - بەرليندە ءوتىپ جاتقان حالىقارالىق تۋريستىك ITB-2018 كورمە اياسىندا گ ف ر- داعى ق ر- نىڭ ەلشىلىگىندە «قازاقستان - ۇلى دالا ەلى: تۋريزم سالاسىنداعى قازاقستاندىق-گەرمانيالىق ىنتىماقتاستىقتىڭ الەۋەتى» تاقىرىبىندا عىلىمي-تاجىريبەلىك كونفەرەنسيا ءوتتى، دەپ حابارلايدى «قازاقپارات» ح ا ا ءتىلشىسى.

شاراعا قازاقستان مەن گەرمانيانىڭ ىسكەرلەرى مەن ساراپشىلارى، ديپلوماتتار مەن تىلشىلەر قاتىستى. جيىن بارىسىندا گەرمانياداعى قازاقستاننىڭ ەلشىسى بولات ءنۇسىپوۆ ەلىمىزدىڭ تۋريستىك الەۋەتىن ارتتىرۋ ماقساتىندا «ەكونوميكالىق ديپلوماتيانىڭ» ماڭىزدى باعىتتارى تۋرالى ايتىپ بەردى.

قازاقستاندىق ديپلومات كەزدەسۋگە قاتىسۋشىلاردى «قوناق ءۇي بيزنەسىنەن باستاپ تۋريستىك باعدارلامالاردى ازىرلەۋگە، قازاقستاندىق پەرسونالدى كاسىبي تۇرعىدا وقىتۋعا دەيىن» ەكى ەلدىڭ تۋريزم سالاسىندا سەرىكتەستىكتى نىعايتۋعا شاقىردى.

ب. ءنۇسىپوۆ سونىمەن قاتار، جۋىقتا جاريالانعان «پرەزيدەنتتىڭ بەس الەۋمەتتىك باستاماسى» تۋرالى ءسوز قوزعادى. ونىڭ پايىمداۋىنشا، بەس الەۋمەتتىك باستاما ەلىمىزدەگى ازاماتتاردىڭ ءومىرىن جاقسارتىپ، الەمدىك ارەنادا قازاقستاننىڭ تۋريستىك تارتىمدىلىعىن ارتتىرا تۇسەدى.

گەرمانيا فەدەرالدى ۇكىمەتىنىڭ اتىنا گفر ەكونوميكا جانە ەنەرگەتيكا مينيسترلىگى ءتۋريزمدى دامىتۋ دەپارتامەنتىنىڭ ديرەكتورى الەكساندر شتەدتفەلد ءسوز سويلەدى. ول ءوز سوزىندە قازاقستاننىڭ تۋريستىك باعىتتا ۇلى جىبەك جولى بويىنداعى «مادەنيەت پەن وركەنيەتتىڭ ورتالىعى» رەتىندە ماڭىزدى ءرولىن ەرەكشە اتاپ ءوتتى.

«وسى ءرولدى اتقارۋ ءۇشىن بارلىق جاعدايلار مەن ينفراقۇرىلىمدى جاساۋعا كۇش سالعان ابزال. وسىلايشا، جاھاندىق الەمدە قازاقستاننىڭ اتاعىن اسپانداتۋعا بولادى»، - دەدى الەكساندر شتەدتفەلد. ونىڭ پايىمداۋىنا قاراعاندا، قازاقستاندا كەرەكتىڭ ءبارى بار - جانۋارلار مەن وسىمدىكتەر الەمىنىڭ ارتۇرلىلىگى، تابيعي قورىقتار مەن بىرەگەي ارحەولوگيالىق ەسكەرتكىشتەردىڭ بولۋى، تەماتيكالىق تۋريزمنىڭ مۇمكىندىكتەرى جەتىپ ارتىلادى. بايانداماشى رەتىندە قازاقستاندىق تاراپتىڭ اتىنان «قازاق تۋريزم» باسشىسىنىڭ ورىنباسارى قايرات ءسادۋاقاسوۆ ءسوز سويلەدى. ول ءوز بايانداماسىندا جيىنعا قاتىسۋشىلاردى قازاقستان رەسپۋبليكاسىنىڭ تۋريستىك سالاسىن 2023-جىلعى دەيىن دامىتۋ تۇجىرىمداماسىمەن تانىستىردى.

قازاقستاننىڭ شيپاجايلى اۋماقتارىن دامىتۋ كەلەشەگىنە، ەل ىشىندە جاڭا تۋريستىك باعدارلاردى اشۋعا، استانانىڭ 20 جىلدىعىنا وراي شارالارعا ەرەكشە نازار اۋدارىلدى. جيىن سوڭىندا نەمىس تاراپى ءبىزدىڭ ەلمەن تۋريستىك سالادا كەڭىنەن ىنتىماقتاسۋعا دايىن ەكەنىن جەتكىزىپ، قازاقستاندىق ارىپتەستەرمەن مۇمكىندىكتەردى تالقىلاۋدى ۇسىندى.

سوڭعى جاڭالىقتار