ق ر سىرتقى ىستەر ءمينيسترى بەس الەۋمەتتىك باستامانى ىسكە اسىرۋعا بەلسەندى تۇردە اتسالىسادى

استانا. قازاقپارات - پرەزيدەنت نۇرسۇلتان نازاربايەۆتىڭ بەس جاڭا الەۋمەتتىك باستاماسى ميلليونداعان قازاقستاندىقتىڭ ءومىرىن تۇبەگەيلى وزگەرتەدى.

وسى ارقىلى ەكونوميكا سەرپىندى تۇردە دامىپ، ورتا تاپ كۇشەيەدى، ەلدەگى ادام الەۋەتى ارتادى. بۇل تۋرالى ق ر سىرتقى ىستەر ءمينيسترى قايرات ءابدىراحمانوۆ ءمالىم ەتتى.

ءمينيستردىڭ ويىنشا اۋقىمدى گاز قۇبىرىن تارتۋ جوباسى ورتالىق قازاقستاندا تۇراقتى ەنەرگەتيكا مەن ەكولوگيا ماسەلەسىن شەشپەك.

ق. ءابدىراحمانوۆتىڭ ايتۋىنشا، ەلباسىنىڭ بەس باستاماسىن قازاقستاننىڭ دامىعان 30 ەلدىڭ قاتارىنا كىرۋ جونىندەگى ۇزاق مەرزىمدىك ستراتەگياسىمەن بايلانىستىرۋ كەرەك. ءى ءى م، سونىمەن قاتار، ەلدەگى ۋنيۆەرسيتەتتەردىڭ حالىقارالىق بايلانىسىنا، شەتەلدىك پەداگوگتار تارتۋعا، تاجىريبە الماسۋعا كومەكتەسەتىنىن جەتكىزدى.

«ءبىلىم جانە الەۋمەتتىك ساياسات سالاسىنداعى كەشەندىك ءىس-شارالاردى كۇشەيتۋ ەكونوميكانى دامىتۋعا سەپتىگىن تيگىزەدى. ەلباسىمىز الەمدىك ءىس-تاجىريبەگە سۇيەنە وتىرىپ الەۋمەتتىك ماقساتتارعا قول جەتكىزۋدە كوپشىلىككە ۇلگى بولا الادى»، - دەدى ق. ءابدىراحمانوۆ.

5- ناۋرىز كۇنى پارلامەنت پالاتالارىنىڭ بىرىككەن وتىرىسىندا جاريالانعان بەس الەۋمەتتىك باستاما قاتارىنا يپوتەكالىق نەسيەنىڭ جاڭا ۇلگىسى، جالاقىسى تومەن ازاماتتارعا سالىقتىق جەڭىلدىك جاسالۋى، جوعارى ءبىلىمنىڭ قول جەتىمدىلىگى مەن ساپاسى، شاعىن نەسيە كولەمىن ۇلعايتىپ، گاز قۇبىرىن تارتۋ سياقتى جاڭالىقتار كىرەدى.