سەرىك اقشولاقوۆ سەمەيدە بىرنەشە ناۋقاسقا اشىق مي وتاسىن جاسادى

None
None
سەمەي. قازاقپارات - قازاقستاننىڭ باس نەيروحيرۋرگى بىرنەشە سەمەيلىك تۇرعىننىڭ ميىنا كۇردەلى وتا جاسادى، دەپ حابارلايدى قازاقپارات.

«ۇلتتىق نەيروحيرۋرگيا ورتالىعى» ا ق باسقارما ءتوراعاسى، ق ر باس نەيروحيرۋرگى، اكادەميك سەرىك اقشولاقوۆ جانە سەمەي قالاسىنىڭ مەديتسينا ۋنيۆەرسيتەتىنىڭ نەيروحيرۋرگيا ءبولىمىنىڭ ماماندارى بىرلەسىپ 4 قالا تۇرعىنىنا كۇردەلى وتا جاسادى. سەمەيگە ارنايى كەلگەن پروفەسسور «باستىڭ تامىر پاتولوگياسىن ەندوۆاسكۋليارلى ەمدەۋ» تاقىرىبىندا شەبەرلىك ساعاتىن وتكىزىپ، ميعا اشىق وپەراتسيالار جاسادى. ياعني، ناۋقاستاردىڭ ميىنداعى قان تامىرىنىڭ ىسكەن بولىگىن الىپ تاستادى. بىرنەشە سانتيمەترگە وسكەن ىسىك ناۋقاستىڭ ومىرىنە قاۋىپتى. ويتكەنى جارىلىپ، ميعا قان قۇيىلۋى مۇمكىن.

«بارلىق وتا ءساتتى اياقتالدى. وتا وتە كۇردەلى. سەبەبى، مي تامىرىنا جاسالادى. سوندىقتان قاتەلىك جىبەرمەۋ كەرەك، ايتپەسە مي قىزمەتىنە كەرى اسەر ەتەدى.

بۇگىنگى كۇنى باستىڭ تامىر پاتولوگياسىنىڭ ەندوۆاسكۋليارلى ەمبوليزاتسيالانۋى وتە اۋىر ساناتتاعى اۋرۋعا جاتقىزۋعا بولادى. بۇل ميدىڭ ءتۇرلى فۋنكتسيالارىنىڭ بۇزىلۋىنا، ناتيجەسىندە، ناۋقاستىڭ ولۋىنە اكەلۋى مۇمكىن. ميدىڭ ەڭ ۇساق تامىرلارىنا جاسالاتىن مۇنداي وپەراتسيالار، جوعارى تەحنولوگيالىق مەديتسينالىق كومەك قاتارىنا جاتادى»، - دەيدى سەرىك اقشولاقوۆ.

مۇنداي كۇردەلى وتالار قازىردە سەمەي قالاسىنىڭ مەملەكەتتىك مەديتسينا ۋنيۆەرسيتەتىنىڭ ۋنيۆەرسيتەتتىك گوسپيتالىنەن باسقا تەك استانا جانە الماتى قالالارىندا عانا جاسالادى.

سوڭعى جاڭالىقتار