بۇگىن قازاقستاننىڭ باسىم بولىگىندە كۇشتى جەل مەن جاۋىن-شاشىن ساقتالادى
جەكەلەگەن اۋماقتاردا جەل كۇشەيىپ، تۇمان، كوكتايعاق، بۇرقاسىن بولجانادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، سولتۇستىك قازاقستان، قوستاناي، اقمولا، پاۆلودار، شىعىس قازاقستان وبلىستارىندا جەلدىڭ ەكپىنى 23-28، كەي جەرلەردە 30 م/س كۇشەيەدى، كەي جەرلەردە بۇرقاسىن، تۇمان، كوكتايعاق بولادى.
قاراعاندى وبلىسىندا جەلدىڭ كۇشى 23-28 م/س جەتەدى، كەي جەرلەردە بۇرقاسىن، كوكتايعاق كۇتىلەدى.
قوستاناي وبلىسىندا جەلدىڭ جىلدامدىعى 23-28 م/س ارتىپ، جاياۋ بۇرقاسىن بولجانادى.
اقتوبە وبلىسىنىڭ كەي جەرلەرىندە تۇندە 18 م/س ەكپىندە جەل سوعادى، جاياۋ بۇرقاسىن كۇتىلەدى.
ماڭعىستاۋ وبلىسىنىڭ كەي جەرلەرىن تۇمان باسىپ، تۇندە جەل 15-20 م/س كۇشەيەدى.
قىزىلوردا، وڭتۇستىك قازاقستان، جامبىل وبلىستارىنىڭ كەي جەرلەرىندە تۇمان، كوكتايعاق بولىپ، جەلدىڭ ەكپىنى 15-25 م/س ارتادى.
الماتى وبلىسىنىڭ كەي جەرلەرىندە تۇمان كۇتىلەدى، تۇندە جەلدىڭ جىلدامدىعى 15-20 م/س جەتەدى.
