دونالد ترامپ پەن مايكل دجەكسوننىڭ قاپال باتىرعا قانداي قاتىسى بار؟

 استانا. قازاقپارات - قاپال باتىردىڭ ۇرپاعى باۋىر كارىپوۆ ا ق ش- تا دونالد ترامپتىڭ كومپانياسىندا التى جىل اتلەتيك- ديرەكتور بولىپ جۇمىس ىستەگەن، دەپ حابارلايدى «ۆەچەرنيي الماتى» باسىلىمى.

كيكبوكسينگپەن، باسقا دا جەكپە- جەك، اسكەري ونەردى جەتىك مەڭگەرگەن ول امەريكا جەرىندە ءبىر- ەكى رەت كينوعا دا ءتۇسىپ ۇلگەرىپتى. ايتسە دە، كينو ونەرىن جاتسىنىپ، باپكەرلىكتى ءجون كورگەن. ونىڭ جۇمىسىنا ريزا بولعان كليەنتتەرىنىڭ ءبىرى مايكل دجەكسونعا (!) باۋىرمەن جاتتىعۋ جاساۋعا ۇسىنىس جاساپتى. وكىنىشكە قاراي، مايكل دجەكسون قارا تەرگە مالىنىپ، شىنىعۋدىڭ ورنىنا، وسى زالداعى بي جانە ماسساج زالىنان شىقپاي قويعان.

دونالد ترامپ ءوزىنىڭ تانىس قۇربىسىنان باۋىر كارىپوۆ تۋرالى ەستىپ، ءوزىنىڭ فيتنەس- زالىنا اتتاي قالاپ الدىرعان كورىنەدى. دونالد ترامپ گولفتى جاقسى كورگەندىكتەن، فيتنەس زالعا باس سۇعا قويماپتى. ەسەسىنە، قازاق باپكەر ونىڭ ايەلى يۆانكا ترامپ پەن ونىڭ قىزدارىنىڭ جانە شەشەسىنىڭ باپكەرى بولعان.

«دونالد ترامپ - وتە ەڭبەكقور، ءوز ەلىنىڭ ناعىز پاتريوتى، قول استىنداعى قىزمەتكەرلەرىنە جايلى» ، - دەيدى باۋىر كارىپوۆ.

ءليفتىنىڭ الدىندا جولىعىپ قالعاندا ترامپ وققاعارلارىنا قاراتا: «باۋىر ما، بۇل! تەزىرەك وتكىزىپ جىبەرىڭدەر، مۇنىڭ ءوزى قارۋ عوي!» ، - دەپ قالجىڭدايدى ەكەن.

ايتۋىنا قاراعاندا، باۋىر كارىپوۆتىڭ كەۋدەسىندە تۋعان جەرگە، دومبىرانىڭ ۇنىنە، انا تىلىنە دەگەن ساعىنىش كەرنەپ، 10 جىل بۇرىن نيۋ- يوركتەگى جۇمىسىن تاستاپ، وتانىنا ورالعان. قازىر الماتى قالاسىندا تۇرىپ جاتىر.

 

Baq.kz