بيىل ءۇش گولليۆۋدتىق مۋلتفيلم قازاق تىلىندە سويلەيدى

الماتى. قازاقپارات - گولليۆۋدتىڭ قانداي مۋلتفيلمدەرى قازاق تىلىنە دۋبلياجدالاتىنى بەلگىلى بولدى، دەپ حابارلايدى «قازاقپارات» ح ا ا ءتىلشىسى.

«مەلومان» كومپانياسىنىڭ مالىمەتىنە سۇيەنسەك، بيىل گولليۆۋدتىق ءۇش جوبانى قازاق تىلىنە اۋدارۋ جوسپارلانىپتى.

«ولار «سۋپەرسەمەيكا 2» (14- ماۋسىم)، «مونسترى نا كانيكۋلاح 3» (12 - شىلدە) جانە «رالف پروتيۆ ينتەرنەتا» (22 - قاراشا) »، - دەيدى «مەلومان» كومپانياسىنىڭ باسپا ءسوز قىزمەتى.

قازاق تىلىنە دۋبلياجدالاتىن ونىمدەردىڭ ساپاسى وتە جوعارى بولۋى كەرەك. اكتەرلەردىڭ داۋىسى جاعىمدى اۋدارما مەن دۋبلياج جاساندى ەمەس شىنايى شىعۋى كەرەك.

«جوعارى ساپالى دۋبلياج دەگەن نە؟ كورەرمەن مۋلتفيلمنەن قازاق تىلىندە تۇسىرىلگەندەي اسەر الۋى قاجەت. «ديسنەيدىڭ» تالابى سونداي. دۋبلياج جاسايتىن اكتەردىڭ داۋىسى ءتۇپنۇسقاداعى كەيىپكەرمەن بىتە- قايناسىپ بىلىنبەي كەتۋى كەرەك»، - دەيدى بىرنەشە جوبانىڭ اۆتورى، رەجيسسەر ايجان جامشيتوۆا.

بۇل جوبا قازاق ءتىلىنىڭ قولدانۋ اياسىن كەڭەيتۋگە باعىتتالعان.

 «كولىكتەر -2» مۋلتفيلمىن دۋبلياجداعاندا بالالار «نايزاعاي» ءسوزىن كەڭىنەن قولداناتىن بولىپ كەتتى. ول ماككۋيننىڭ لاقاپ اتى»، - دەدى «مەلومان» ج ش س باس ديرەكتورى ۆاديم گولەنكو.

 ەستەرىڭىزگە سالا كەتەيىك، 2011 - جىلدان باستاپ «بولاشاق» قورى «Disney» جانە «مەلومان» كومپانيالارىمەن بىرلەسە وتىرىپ گولليۆۋدتىڭ ۇزدىك ونىمدەرىن قازاقشالاۋدى قولعا العان بولاتىن. قازاق ءتىلى تۇركى تىلدەرىنىڭ ىشىندە 2- ءشى، Sony Pictures تىلدەرىنىڭ ىشىندە 7^- ء^شى، Walt Disney تىلدەرىنىڭ ىشىندە 39- بولىپ الەمدەگى DVD، Blu-Ray بويىنشا قولجەتىمدى تىلدەر قاتارىنا ەنىپ وتىر. جوبا قولعا الىنعاننان بەرى الەمدىك تابىسى ورتا ەسەپپەن 200 ميلليون دوللاردان اساتىن 23 كارتينا قازاق تىلىنە دۋبلياجدالعان.

فوتو: fsmedia.imgix.net