يليا يلين ايەل ۇستازداردى مەرەكەمەن قۇتتىقتادى - فوتو

None
None
قىزىلوردا. قازاقپارات- 5 -ناۋرىز كۇىن قىزىلوردا قالاسىنىڭ اكىمى نۇرلىبەك نالىبايەۆ حالىقارالىق ايەلدەر كۇنى مەرەكەسىنە وراي ۇستازدار قاۋىمىن قۇتتىقتادى، دەپ حابارلادى قازاقپارات ءتىلشىسى.

مەرەكەلىك شاراعا قالا مەكتەپتەرىنەن 300 گە جۋىق ۇستاز بەن ءبىلىم سالاسىنىڭ ارداگەرلەرى قاتىستى.

«بۇگىنگى قوعامدا نازىك جاندىلار سان ءتۇرلى سالانىڭ قىر-سىرىن مەڭگەرگەن. اسىرەسە، ءبىلىم سالاسىندا ۇلاعاتتىلىقتىڭ ۇلى جولىن تاڭداعان ۇستازدار قاۋىمىندا - نازىك جاندىلاردىڭ الار ورنى ەرەكشە. بۇل ءسوزىمنىڭ ءبىر عانا دالەلى، قازىرگى تاڭدا قالا مەكتەپتەرىندە 6 مىڭنان استام ۇستاز قىزمەت ەتسە، سولاردىڭ 90 پايىزىن نازىك جاندىلار قۇرايدى. بۇل دەگەنىمىز، ايەل ۇستازداردىڭ ەلىمىزدىڭ ەڭ باستى بايلىعى - ادامي كاپيتالىن دامىتۋ جولىندا، ياعني وسكەلەڭ ۇرپاققا ءبىلىم بەرۋ جولىنداعى بەلسەندىلىگى، بەدەلى مەن مارتەبەسىنىڭ كورىنىسى»، - دەپ اتاپ ءوتتى قالا اكىمى.



سونىمەن قاتار، سىر ەلىنىڭ ءبىرقاتار اتپال ازاماتتارى ق ر «اتامەكەن» ۇلتتىق كاسىپكەرلەر پالاتاسىنىڭ كوميتەت ءتوراعاسى مۇرات ابەنوۆ، ق ر پارلامەنتى ءماجىلىسىنىڭ دەپۋتاتى گەننادي شيپوۆسكيح، اۋىر اتلەتيكادان بىرنەشە دۇركىن الەم چەمپيونى، قازاقستان رەسپۋبليكاسىنا ەڭبەگى سىڭگەن سپورت شەبەرى يليا يلين ساحنادا ورناتىلعان ەكران ارقىلى ۇستازدار قاۋىمىنا جۇرەكجاردى تىلەكتەرىن جولدادى.



شارا بارىسىندا شاھار باسشىسى 20 ارداگەر ۇستازعا ارنايى ازىرلەنگەن سىيلىقتاردى تابىستاپ، ءبىلىم سالاسىندا ەڭبەگىمەن ەلەنگەن 10 مۇعالىمدى ءتۇرلى نوميناتسيالار بويىنشا ماراپاتتادى. تاعى 101 پەداگوگ قالالىق ءبىلىم ءبولىمىنىڭ گراموتالارىمەن اتاپ ءوتىلدى.

قاتىسۋشىلاردىڭ بارلىعى قالا اكىمىنىڭ اتىنان گۇل شوقتارىن الدى.

سوڭعى جاڭالىقتار