ماگنيتتى كۇنى كوبىرەك سۋ ءىشىڭىز

 استانا. قازاقپارات - وزگە جىل مەزگىلدەرىنە قاراعاندا كوكتەمدە ماگنيت ءورىسىنىڭ اسەرىن ادامدار تەز سەزىنەدى. دەنى ساۋ ادامداردا دا مۇنداي كۇندەر ءتۇرلى دەڭگەيدە وتەدى.

 ءبىر ادامدار ماگنيت ءورىسىنىڭ اۋىتقىعانىن سەزبەي، تابيعي وزگەرىسكە تەز بەيىمدەلىپ كەتسە، ەكىنشىلەرى بۇل كەزەڭدە شارشاڭقى، اشۋشاڭ بولادى. الايدا جەر بەتىندەگى تۇرعىنداردىڭ جارتىسىنان كوبى ماگنيت ءورىسىنىڭ اۋىتقىپ، تولقىعانىن سەزەدى. ولاردىڭ ىشىندەگى % 10ى جاستار ەكەن. ماگنيت ءورىسى اۋىتقىعان كەزدە ادام اعزاسىنداعى جۇرەك- قان تامىر جۇيەلەرىنىڭ جۇمىسى ناشارلايدى. سول سەبەپتى بۇرىننان جۇرەك- قان تامىر جۇيەسىندە اقاۋى بار ادامدار ءوز دەنساۋلىقتارىنا اسا ۇقىپتىلىقپەن قاراعانى ءجون. سونىمەن قاتار، مۇنداي كۇندەرى قان قويۋلانۋعا بەيىمدەلىپ، گاز الماسۋ تومەندەپ، قان قىسىمى كوتەرىلەدى.

 ماگنيت ءورىسىنىڭ اۋىتقۋ كەزەڭىندە ىشكى انتيوكسيدانت جانە سترەستى جاعدايلاردىڭ تۇراقتىلىعىنا جاۋاپ بەرەتىن تابيعي كۇشتى مەلانين جاسايتىن گورمون تومەندەيدى. دەمەك اعزاداعى كۇيزەلىستىڭ تۇراقتىلىعى تومەندەيدى. پسيحيكاسى جانە ۆەگەتاتيۆتىك جۇيەسى تۇراقسىز ادامداردا ماگنيت ءورىسىنىڭ اۋىتقيتىن كۇندەرى باسى اينالىپ، جۇيكەسى سىر بەرەدى. كۇز جانە كوكتەم ايلارىندا ماگنيت ءورىسىنىڭ اۋىتقىپ، تولقۋى ايىنا بىرنەشە رەت بولادى. جىل مەزگىلىنىڭ بۇل ايلارىندا ادام اعزاسىنداعى بارلىق اۋرۋ قوزاتىندىقتان، ماگنيت ءورىسىنىڭ اۋىتقۋى قوسىلىپ دەنساۋلىققا بۇرىنعىدان دا كەرى اسەرىن تيگىزەدى. مۇنىڭ بارلىعى ەگەر ماگنيت ءورىسىنىڭ تولقىپ، اۋىتقۋ كەزىندە كۇن شىعىپ تۇرسا وڭاي جانە تەز وتەدى. ال كۇن بۇلتتى بولسا، ەندورفين سانى ازايىپ جانە كۇيزەلىس جاعدايى ۋشىعۋعا تۇسەدى. ماگنيت ءورىسىنىڭ اۋىتقىپ، تولقىعان كۇندەرى دەنى ساۋ ادامدار كۇتىنۋدىڭ ءتارتىبىن بىلە جۇرگەنى ارتىق بولمايدى.

 ەڭ باستىسى، مۇنداي كۇندەردە فيزيكالىق كۇشتى ازايتىپ، پسيحوسەزىمتالدىق جاعدايدى جاقسارتاتىن پرەپاراتتار قابىلداپ، كوپ مولشەردە كوك شاي ءىشۋ كەرەك. سەبەبى كوك شاي تابيعي انتيوكسيدانت مولشەرىن ارتتىرادى. سونىمەن قاتار مۇنداي كۇنگە يكەمدەلسە، اعزا ءوزى كوڭىل- كۇيدى كوتەرەتىن گورمونداردى رەتتەپ، جۇرەك- قان تامىر جۇيەسىن جاقسارتادى. كوكتەم مەزگىلىندە سۋدى شامامەن 2 ليتردەي ىشكەن ءجون. سوندا قاننىڭ تۇراقتىلىعى تومەندەپ، قان- تامىر جۇمىسىن جاقسارتادى. سونىمەن قاتار كوفە مەن قارا شايدى كوپ تۇتىنباعان ابزال. جۇيكەنى تىنىشتاندىراتىن دارمەكتەردى نازاردان تىس قالدىرماي، سوزىلمالى جۇرەك اۋرۋىمەن اۋىراتىن ناۋقاستار ءيىن ماڭىنداعى كۇشتى ازايتۋ كەرەك. ال قوزعالىس كۇشىن كوبەيتىپ، جايمەن جۇگىرۋ -  جۇرەك- قان تامىر جۇيەسىنە وتە جاقسى جاتتىعۋ بولادى.

 

Massaget.kz