قازاقستاندا «قايىرىمدى كورشىگە راقمەت!» اكسياسى باستالدى

None
None
 استانا. قازاقپارات - ق ر مەملەكەتتىك حاتشى گۇلشارا ءابدىحالىقوۆا قازاقستان حالقى اسسامبلەياسىنىڭ جاڭا اكسياسىنا قوسىلاتىنىن مالىمدەدى، دەپ حابارلايدى قازاقپارات ءتىلشىسى.

«2016 -جىلى ەلباسىنىڭ جارلىعىمەن العىس ايتۋ كۇنى بەلگىلەندى. اتالعان مەرەكە وسىمەن ءۇشىنشى رەت اتالىپ وتىر. بۇل كۇنى قازاقستان حالقى اسسامبلەياسىنىڭ ۇسىنىسىمەن جىل سايىن بەلگىلى ءبىر اكسيا باستاۋ الادى. بۇگىن دە جاقسى ءبىر اكسيا دۇنيەگە كەلدى. اسسامبلەيانىڭ ۇسىنىسىمەن «قايىرىمدى كورشىگە راقمەت!» دەگەن اكسيا باستالادى. قازاقتا ايتادى عوي، «تۋىسى جاقىن جاقىن ەمەس، كورشىسى جاقىن جاقىن» . سوندىقتان وسى اكسيا بارىسىندا ءاربىر كوشەدە، ءاربىر قالادا، ءاربىر اۋىلدا قولداۋدى قاجەت ەتەتىن ازاماتتارعا اسسامبلەيا بولىپ، حالىق بولىپ، كورشى بولىپ، كومەك كورسەتەمىز دەپ ويلايمىن» ، - دەدى گ. ءابدىحالىقوۆا العىس ايتۋ كۇنىنە ارنالعان مەرەكەلىك شارادا.

مەملەكەتتىك حاتشى اتالعان اكسيانىڭ قازاقستانداعى بارلىق ۇلت پەن ۇلىستاردىڭ بىرلىگىن كۇشەيتەتىنىنە سەنىم ءبىلدىردى. «جاقىنىمىزعا يگىلىكتى ىسپەن، جاقسى سوزبەن قولداۋ بىلدىرەيىك. وسى اكسيا اياسىندا كاسىپورىندار مەن ۇيىمدار قارتتار ءۇيى، بالالار ءۇيى جانە تاعى باسقا مەكەمەلەرگە قولداۋ كورسەتەدى دەپ سەنەمىز. العىس ايتۋ كۇنى ناۋرىز مەرەكەسى سياقتى جالپى ۇلتتىق مەرەكەگە اينالسىن» ، - دەپ اتاپ كورسەتتى گ. ءابدىحالىقوۆا.

  

سوڭعى جاڭالىقتار