ەلباسىنىڭ تاپسىرماسىنان كەيىن ماجىلىستە ۇلتى باسقا دەپۋتاتتار جاپپاي قازاقشا سايراپ كەتتى
ءتىپتى، تومەنگى پالاتاداعى ۇلتى بولەك حالىق قالاۋلىلارىنا دەيىن ۇكىمەت مۇشەلەرىنە قازاقشا سۇراق قويىپ، تاڭقالدىردى، دەپ حابارلايدى ك ت ك.
تاڭقالدىراتىنى بۇعان دەيىن ولار تەك ورىسشا عانا سويلەيتىن. ۇزاق جىلداردان سوڭ تومەنگى پالاتادا انا ءتىلدىڭ ۇستەمدىك قۇرا باستاعانىنا قۋانعان دەپۋتاتتار شەنەۋنىكتەردى مەملەكەتتىك تىلدە ەمتيحان تاپسىرۋعا مىندەتتەيتىن زاڭ جوباسىن ازىرلەۋدى ۇسىندى.
وسى ۋاقىتقا دەيىن وزدەرىنە وتە ىڭعايلى ورىس تىلىندە زاڭ جازىپ، ساۋال جولداپ كەلگەن دەپۋتاتتار ءبىر كۇندە وزگەرىپ شىعا كەلدى. پرەزيدەنتتىڭ تاپسىرماسى تالقىلانبايتىنىن جاقسى تۇسىنەتىن ماجىلىسمەندەر شەتىنەن تىلدەرىن سىندىرىپ، قازاقشا سايراپ ءجۇر.
نەگىزى، تومەنگى پالاتاعا ۇلتتىق بانك ءتوراعاسى ساقتاندىرۋ تۋرالى زاڭعا وزگەرىس ەنگىزىپ الىپ كەلگەن. دانيار اقىشەۆتىڭ بايانداماسى جانە حالىق قالاۋلىلارىنىڭ كوبىنىڭ ساۋالدارى مەملەكەتتىك تىلدە بولدى. ءتىپتى ۇلتى باسقا دەپۋتاتتار دا كۇتپەگەن جەردەن قازاقشا سويلەپ، تاڭ قالدىردى.
«زاڭ جوباسىنان ساقتاندىرۋشى مەن كليەنت ساقتاندىرۋ تالاپتارىن ناقتىلاي الاتىن شەكتىك كورىپ وتىرعان جوقپىز. ۇلتتىق بانك جۇكتەلگەن ساقتاندىرۋ شارتتارۋ شەكتەردى بەلگىلەۋدى جوسپارلاپ وتىر ما؟»، دەيدى ءماجىلىس دەپۋتاتى نارينە ميكاەليان.
«بىرىنشىدەن، تۋريست ءۇشىن پاكەت قانشالىقتى وسەدى، ەكىنشىدەن تۋريستىك فيرماسىز ءوز بەتىنشە شەتەلگە شىعاتىن ازاماتتاردى ساقتاندىرۋ كوزدەلگەن بە؟»، - دەيدى قازاق تىلىندە يرينا ۋنجاكوۆا.
«كليەنتتەردەن دەربەس دەرەكتەردەن قورعاۋ ءۇشىن جانە ساقتاندىرۋ كومپانيالاردىڭ كيبەر قاۋىپسىزدىگىن قامتاماسىز ەتۋ ءۇشىن قانداي تالاپتار قويۋ قاجەت دەپ ويلايسىز؟»، - دەيدى ماگەررام ماگەرراموۆ.
بۇدان كەيىن قازاقشاعا سۋداي گەننادي شيپوۆسكيح ءسوز الدى. ۇلتتىق بانك ازىرلەگەن زاڭ جوباسىندا ساقتاندىرۋ پوليسىنە قاتىستى شيكىلىك بار ەكەن. ول اقىشەۆتەن سونى سۇراعان.
«نەلىكتەن ساقتاندىرۋ پوليسى ساقتاندىرۋدىڭ جالپى قولدانۋ مەرزىمى تولىق وتكەنشە، ياعني، ءبىر جىلعا. نەمەسە ساقتاندىرۋدىڭ بارلىق سوماسى بىتكەنشە جارامدى بولمايدى؟»، - دەيدى ءماجىلىس دەپۋتاتى گەننادي شيپوۆسكيح.
باس بانكير ساۋالدارعا كۇنى بۇرىن دايىندالىپ كەلسە كەرەك. الدىنداعى شپارگالكالارعا قايتا- قايتا ۇڭىلۋمەن بولدى. ءسويتىپ تۇرعاندا قاعازداردىڭ اراسىنان شيپوۆسكيحتىڭ سۇراعىنا ازىرلەگەن جاۋابىن تاپپاي قالدى ما، ايتەۋىر، اقىشەۆ سوزدەن شاتاستى.
«جول اپاتى بولعان جاعدايدا كىنالى تۇلعانى سوت انىقتايدى. بۇل بىرنەشە ايعا سوزىلۋى مۇمكىن. وسى ۋاقىت ارالىعىندا كوبىنەسە كولىك يەلەرى اۆتوكولىكتى جۇرگىزۋدى جالعاستىرا بەرەدى»، - دەدى ۇلتتىق بانك ءتوراعاسى.
- مەن بايانداماشىنىڭ جاۋابىنا قاناعاتتانعان جوقپىن. سوندىقتان دا ءوز سۇراعىمدى قايتادان قويۋعا ءماجبۇرمىن.
- مەن جاۋاپ بەردىم. بارى وسى...
- جوق، ءسىز مىنا وقىپ بەرگەن باسقاشا بولدى عوي. سول عوي دەپۋتات شيپوۆسكيحتىڭ...
پارلامەنت انا ءتىلدىڭ ۇستەمدىك قۇرا باستاعانىنا قۋانعان دەپۋتاتتار قازاق ءتىلىن بارلىق سالادا كەڭىنەن قولدانۋ ءۇشىن ارنايى زاڭ جوباسىن جازۋ كەرەك دەپ ۇسىندى. بەرىك دۇيسەمبينوۆ ەكونوميكا، بيزنەس، عىلىم، تەحنولوگيانى قازاقشالايتىن جانە شەتەلدىك كومپانيالار مەن ينۆەستورلاردان دا مەملەكەتتىك ءتىلدى تالاپ ەتەتىن، سونداي- كەز-كەلگەن لاۋازىمدى قىزمەتكەردى ەمتيحان تاپسىرۋعا مىندەتتەيتىن زاڭ ازىرلەنۋىن پرەمەردەن تالاپ ەتتى.
«قازىر قازاق تىلىنەن ەمتيحاندى تەك پرەزيدەنتتىككە ۇمىتكەرلەر عانا تاپسىرادى. ءبىزدىڭ ويىمىزشا مەملەكەتتىك ءتىلدى مىندەتتى تۇردە يگەرۋگە ءتيىستى لاۋازىمدى شەنەۋنىكتەردىڭ ءتىزىمىن ودان دا كەڭەيتۋدى قاراستىرۋ كەرەك. ۇكىمەتتى مەملەكەتتىك ءتىلدى قولدانۋ سالاسىن كەڭەيتۋ تۋرالى زاڭ جوباسىن دايىنداۋعا شاقىرامىن»، - دەيدى بەرىك دۇيسەمبينوۆ.
وسىلايشا، ەسىلدىڭ سول جاعالاۋىندا مينيسترلەر مەن دەپۋتاتتار ارسىندا قازاق ءتىلىن مەڭگەرۋ ناۋقانى قىزۋ ءجۇرىپ جاتىر. ءبىراق، مەملەكەتتىك تىلدە سويلەي باستاعان حالىق قالاۋلىلارىنىڭ ساۋالدارى، ۇكىمەت مۇشەلەرىنىڭ قويىلعان سۇراققا جاۋابى بۇرىنعىدان ايتارلىقتاي قىسقارىپ قالىپتى. سودان دا بولار، جالپى وتىرىستا ءسوز العان ماجىلىسمەندەر مەن مينيسترلەر ءسوزىن كوپكە سوزبادى. ال قازاقشا سويلەپ، قازاقشا جازۋ ەستافەتاسىنىڭ كەزەگى ۇكىمەت، ماجىلىستەن كەيىن ەندى سەناتقا كەلىپ تۇر.
