ايقىن تولەپبەرگەن مەن بەيبىت قورعاننىڭ اندەرى قىتايدا شىرقالدى
شاراعا ق ح ر- دا اككرەديتتەلگەن الەمنىڭ 32 ەلىنىڭ كەدەن اتتاشەلەرى قاتىستى.
سالتاناتتى كەشتە قازاقستاندىق كەدەنشىلەر - قىتايداعى ق ر ەلشىلىگىنىڭ قىزمەتكەرلەرى ءانۋار ەلگەلديەۆ پەن اسلان ابەنوۆ جانە ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيسترانتى ينديرا رافيكوۆا دومبىرامەن «اق بۇلاق» جانە «مەنىڭ قازاقستانىم» اندەرىن شىرقادى. ولاردىڭ ۇلتتىق كيىمى مەن ەرەكشە اندەرى كەلۋشىلەردىڭ قوشەمەتىنە بولەندى.
سونداي-اق، جاڭاجىلدىق قابىلداۋعا فرانسيا، بەلگيا جانە قىتاي وكىلدەرى ونەر كورسەتتى. كەش بويى قوناقتار قازاقستاندىق انشىلەر ايقىن تولەپبەرگەن («جالعىز سەن»، «پاح-پاح»، «تۇمارىم») مەن بەيبىت قورعاننىڭ («شوق قىزدار») اندەرىنە بيلەدى.
قىتايدىڭ باس كەدەن باسقارماسى حالىقارالىق ىنتىماقتاستىق دەپارتامەنتىنىڭ باسشىسى چجاو جۋسيا «قازاقپارات» ح ا ا تىلشىسىنە ءوز اسەرى تۋرالى ايتىپ بەردى.
«قازاقستاندىق كەدەنشىلەردىڭ قويىلىمدارى وتە قىزىقتى ءارى اسەم بولدى. ءبىز سىزدەردىڭ حالىقتارىڭىزدىڭ ءداستۇرلى مادەنيەتىمەن تانستىق. ماعان بارلىعى ۇنادى: ءان، ۇلتتىق كوستيۋم جانە دومبىرانىڭ ءۇنى»، - دەدى ول.
ونىڭ ايتۋىنشا، قىتايدىڭ باس كەدەن باسقارماسى قازاقستاندىق كەدەن قىزمەتىمەن ىنتىماقتاستىقتى جوعارى باعالايدى.
«قازاقستان مەن قىتاي كەدەن ورگاندارىنىڭ ءوزارا قارىم-قاتىناسى ق ح ر- دىڭ وزگە ەلدەرمەن ىنتىماقتاستىعى اراسىنان ەرەكشەلەنىپ تۇرادى. كەدەندىك پروتسەدۋرالاردى جەڭىلدەتۋدە، تەحنيكالىق سالا جانە قاۋىپسىزدىكپەن قامتاماسىز ەتۋدەگى سەرىكتەستىگىمىز ەكى ەل اراسىنداعى ساۋدانىڭ دامۋىنا سەپتىگىن تيگىزەدى. قازاقستاندىق كەدەنشىلەر قىتاي كەدەندىك اتتاشەسىنىڭ نەگىزىن قالاۋشىلاردىڭ ءبىرى جانە ونىڭ جۇمىسىنا وراسان ۇلەس قوسىپ كەلەدى»، - دەپ اتاپ ءوتتى چجاو جۋسيا.
ەسكە سالا كەتسەك، قىتايداعى كەدەنشىلەر اتتاشەسىنىڭ كلۋبى 2008-جىلدىڭ ماۋسىم ايىندا ق ح ر باس كەدەن باسقارماسىنىڭ باستاماسىمەن قۇرىلعان. قازىرگى ۋاقىتتا كلۋب الەمنىڭ 32 ەلىنەن كەلگەن 50 دەن استام كەدەندىك اتتاشەلەردى بىرىكتىرەدى.
اۆتور: ايجان سەرىكجان قىزى
