ەلباسى قازاق ۇلتتىق ۋنيۆەرسيتەتىنىڭ رەكتورىن قابىلدادى

None
None
استانا. قازاقپارات - ق ر پرەزيدەنتى نۇرسۇلتان نازاربايەۆ ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا ۋنيۆەرسيتەتتىڭ عىلىمي الەۋەتىن دامىتۋ ماسەلەلەرى جانە «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدىڭ باسىم باعىتتارىنا سايكەس كادرلار دايارلاۋدىڭ بارىسى تالقىلاندى.

مەملەكەت باسشىسى ۋنيۆەرسيتەت تاراپىنان اتقارىلىپ جاتقان جۇمىستاردىڭ ناتيجەلەرىن اتاپ ءوتىپ، جاھاندىق ەكونوميكالىق جانە تەحنولوگيالىق وزگەرىستەر جاعدايىنا بەيىمدەلگەن جاس مامانداردى وقىتۋ ىسىندەگى جوعارى وقۋ ورىندارىنىڭ رولىنە باسا نازار اۋداردى.

- ءسىز كوپ جىلدان بەرى ەلىمىزدەگى ەڭ ءىرى جانە باستى ۋنيۆەرسيتەتتەردىڭ ءبىرىن باسقارىپ كەلەسىز. مۇندا شەتەلدەن كەلىپ وقيتىن ستۋدەنتتەر بار. ۋنيۆەرسيتەت ەلىمىزدىڭ جوعارى وقۋ ورىندارى اراسىندا جوعارى رەيتينگكە يە بولىپ وتىر، - دەدى قازاقستان پرەزيدەنتى.

عالىمقايىر مۇتانوۆ نۇرسۇلتان نازاربايەۆقا ۋنيۆەرسيتەتتى ترانسفورماتسيالاۋ جانە وقۋ ۇدەرىسىن زاماناۋي تالاپتارعا بەيىمدەۋ ناتيجەلەرى جونىندە باياندادى.

- ءبىزدىڭ نەگىزگى ماقساتىمىز - وقۋ ورنىن الەمدىك دەڭگەيدەگى زەرتتەۋ ۋنيۆەرسيتەتىنە اينالدىرۋ. سوعان وراي جەتەكشى ماماندار دايارلانىپ قانا قويماي، عىلىم مەن يننوۆاتسيانى دامىتۋ ماسەلەسى دە قامتىلاتىن بولادى. جالپى، ۋنيۆەرسيتەتتەر يننوۆاتسيالىق ەكونوميكانىڭ درايۆەرى بولۋعا ءتيىس، - دەدى ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى.

ع. مۇتانوۆ مەملەكەت باسشىسىنا ІТ جانە جاڭا تەحنولوگيالار سالاسىنداعى جوبالاردىڭ ىسكە اسىرىلۋ بارىسى جونىندە مالىمدەپ، وقۋ ورنىنىڭ بازاسىندا قۇرىلعان IT- تەحنوپاركى اياسىندا ۋنيۆەرسيتەتارالىق ءوزارا ىقپالداستىقتىڭ ورناعانىن ايتتى. ءال- فارابي اتىنداعى قازاق ۇلتتىق ۋنيۆەرسيتەتى رەكتورىنىڭ مالىمەتىنە سايكەس، بۇگىندە وسى وقۋ ورنىنداعى ستۋدەنتتەردىڭ 60 پايىزدان استامى جاراتىلىستانۋ عىلىمدارى بويىنشا ءبىلىم الۋدا.

كەزدەسۋ سوڭىندا قازاقستان پرەزيدەنتى ءبىرقاتار ناقتى تاپسىرما بەردى.

سوڭعى جاڭالىقتار