استاناداعى جەڭىل رەلستى ترامۆايلار قۇرىلىسى قاشان اياقتالادى؟

None
None
استانا. قازاقپارات - ەلوردا باسشىسى اسەت يسەكەشەۆ جەڭىل رەلستى ترامۆايلاردىڭ قۇرىلىسى قاشان اياقتالاتىنىن ايتتى، دەپ حابارلايدى «قازاقپارات» ح ا ا ءتىلشىسى.

«اۋەجايدان جاڭا تەمىر جول ۆوكزالىنا دەيىنگى جەڭىل رەلستى ترامۆايلار جوباسىن جۇزەگە اسىرۋ جۇمىسى بەلسەندى جۇرگىزىلىپ جاتىر. ونىڭ قۇرىلىسىن 2019-جىلدىڭ سوڭىندا اياقتاۋ جوسپارلانىپ وتىر. ۇزىندىعى 22,5 شاقىرىمدىق ەستاكادتى جەلى سالىنادى»، - دەدى قالا اكىمى.

شاھار باسشىسىنىڭ ايتۋىنشا، جەڭىل رەلستى ترامۆايلار قالانىڭ ينفراقۇرىلىمىنا تۇسكەن جۇكتى ايتارلىقتاي جەڭىلدەتەدى. اكىم ءوز سوزىندە ارنايى باعدارلامالار بويىنشا اقىلدى باعدارشامدار، وڭعا بۇرىلۋعا مۇمكىندىك بەرەتىن جولدار، اۆتوبۋس جولدارى سالىناتىنىن اتاپ ءوتتى. ونىڭ ايتۋىنشا، سوڭعى 4 جىلدا 740 جاڭا باعدارشام ساتىپ الىنىپ، جاڭا اۆتوبۋستاردىڭ ۇلەسى 70 پايىزعا جەتكەن.

«ءبىز كولىكتەردىڭ وسىمىنە قاراماستان، جاعداي ورنىقتى ەكەنىن كورىپ وتىرمىز. البەتتە، قوعالىس كوبەيگەن كەزدە ازداعان ماسەلە بار. ءبىراق، وزدەرىڭىز سالىستىرىپ كورسەڭىز، 10 جىل بۇرىن عانا قالامىزدا 100 مىڭ كولىك بولسا، قازىر ولاردىڭ سانى - 400 مىڭ. سوندىقتان، قوعامدىق كولىكتەرگە ەرەكشە نازار اۋدارىلىپ كەلەدى»، - دەدى اكىم.

اۆتور: ايان بەكەن ۇلى

سوڭعى جاڭالىقتار