قازاقستان قىتايمەن جانە تۇركيامەن ينۆەستيتسيالىق جوبالاردى ىسكە قوسادى

استانا. قازاقپارات - بۇگىن ۇكىمەت وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك قىتايمەن جانە تۇركيامەن ىنتىماقتاستىق اياسىندا ىسكە اسىرىلاتىن جوبالار تۋرالى ايتىپ بەردى، دەپ حابارلايدى قازاقپارات.

«مينيسترلىك «قازاقينۆەست» ا ق- مەن بىرلەسىپ جالپى سوماسى 47,8 ميلليارد ا ق ش دوللارىن قۇرايتىن 145 ينۆەستيسيالىق جوبانىڭ بازالىق ءتىزىمىن جاسادى (35 مىڭ جۇمىس ورنى). ونىڭ قۇرامىندا قازاقستان- قىتاي، قازاقستان- تۇرىك («جاڭا سينەرگيا») جانە باسقا دا ينۆەستيتسيالىق جوبالار بار. قازاقستان- قىتاي ىنتىماقتاستىعى اياسىندا جالپى سوماسى 27,7 ميلليارد ا ق ش دوللارى بولاتىن 51 جوبا ىسكە اسىرىلۋدا. قازىرگى ۋاقىتتا 140 ميلليون دوللار بولاتىن 4 جوبا ىسكە قوسىلدى. بۇل باعدارلاما بويىنشا 2018 -جىلى 11 جوبانىڭ قۇرىلىسى جۇرەدى. جالپى سوماسى 363 ميلليون دوللار بولاتىن 6 جوبانى ىسكە قوسۋ جوسپارلانىپ وتىر. بيىل قىتاي كاپيتالىنىڭ قاتىسۋىمەن 5 جوبانىڭ قۇرىلىسى باستالادى. ونداعى ينۆەستيتسيا كولەمى 623 ميلليون دوللاردى قۇرايدى»، - دەپ اتاپ ءوتتى قاسىمبەك.

 

ونىڭ سوزىنە قاراعاندا، قازاقستان مەن تۇركيا اراسىنداعى بىرلەسكەن «جاڭا سينەرگيا» باعدارلاماسى اياسىندا ىسكە اسىرىلاتىن 26 جوبا بار (جالپى ينۆەستيسيا كولەمى $ 899 ميلليون). بۇگىنگى تاڭدا جالپى سوماسى 3,5 ميلليون دوللار بولاتىن ءبىر جوبا ىسكە اسىرىلدى. بيىل 15,5 ميلليون دوللار بولاتىن 2 جوبانىڭ قۇرىلىسى باستالادى.

سونداي-اق، بازالىق تىزىمگە مەملەكەت باسشىسىنىڭ شەت مەملەكەتتەرگە جاساعان ءىسساپارى اياسىندا كەلىسىلگەن باسقا دا ينۆەستيتسيالىق جوبالار ەنگىزىلدى.

«جالپى، 145 جوبادان اعىمداعى جىلى 1,6 ميلليارد ا ق ش دوللارى سوماسىنا 15 جوبانىڭ قۇرىلىسىن باستاۋ جانە 3 ميلليارد ا ق ش دوللارى سوماسىنا 23 جوبانى ىسكە قوسۋ جوسپارلانىپ وتىر. بازالىق تىزىلىمگە قازاقستانعا ينۆەستيتسيالاۋعا دايىن شەتەلدىك ينۆەستورلاردىڭ جەكەلەگەن باستامالارى دا كىردى. مىسالى، بيوحيميالىق كلاستەردى قۇرۋ بويىنشا (ينۆەستيتسيالاردىڭ كولەمى 2,5 ميلليارد. ا ق ش دوللارى) «Cathay» قىتاي كومپانياسىنىڭ ۇسىنىسى. كورسەتىلگەن جوبا بويىنشا قازاق ينۆەست پىسىقتاۋ جانە قازاقستاندىق ارىپتەستى ىزدەستىرۋ جۇمىستارىن جۇرگىزۋدە. مينيسترلىك بازالىق تىزىلىممەن شەكتەلمەيدى. بولاشاقتا وعان حالىقارالىق قارجى ينستيتۋتتارىنىڭ (ا د ب، ە د ب، دۇنيەجۇزىلىك بانكى جانە ت. ب. ) قاراجاتتارى تارتىلاتىن جوبالار، ونىڭ ىشىندە م ج ءا جوبالارى كىرەدى. بۇدان باسقا، مينيسترلىك شەتەلدىك ينۆەستورلاردى تارتۋ قاجەتتىلىگى تۇرعىسىنان يندۋستريالاندىرۋ كارتاسىنىڭ، اسىرەسە توقتاپ تۇرعان نەمەسە تومەن جۇكتەمەلەرمەن جۇمىس ىستەيتىن جوبالاردى قايتا قاراپ جاتىر»، - دەپ اتاپ ءوتتى مينيستر.