گولوۆكين «كانەلومەن» العاشقى جەكپە-جەگىنە دايىن بولماعانىن مويىندادى

None
None
استانا. قازاقپارات - قازاقستاندىق بوكسشى گەننادي گولوۆكين ساۋل «كانەلو» الۆارەسپەن وتكەن العاشقى كەزدەسۋدە ءوز الەۋەتىن تولىق كورسەتە الماعانىن جاسىمادى، دەپ حابارلايدى قازاقپارات Sports.kz-كە سىلتەمە جاساپ.

«كانەلو» العاشقى كەزدەسۋدىڭ الدىندا ماعان ناعىز مەكسيكالىق ءادىستى كورسەتەتىنىن كوپ ايتتى، ءبىراق ءوزى كوپ قوزعالدى. بۇل ءبىراز تاڭداندىردى. مۇمكىن، مەن ءاربىر راۋندقا دايىن بولماعان شىعارمىن. ايقاستىڭ العاشقى جارتىسىنا دايىن ەدىم، ءبىراق ەكىنشىسىنە ەمەس. ەندى ەكىنشى جەكپە-جەكتە كوبىرەك دراما، كوبىرەك ەكشن كورسەتەمىن. وتكەن كەزدەسۋگە %100 دايىن ەمەس ەدىم، ەندى دايىنمىن. «كانەلو» دا سولاي»، - دەيدى GGG Yahoo! Sports-قا بەرگەن سۇحباتىندا.

ەسكە سالا كەتەيىك، گولوۆكين مەن الۆارەس اراسىنداعى العاشقى ايقاس 2017 -جىلعى 16 -قىركۇيەكتە تەڭ ناتيجەمەن اياقتالعان بولاتىن، ال ەكىنشى كەزدەسۋ 5 -مامىرعا بەلگىلەنگەن.

 

سوڭعى جاڭالىقتار