جەبەۋشى قۇسىڭىز ءسىز تۋرالى سىر شەرتەدى

استانا. قازاقپارات - ءسىز جىلدىڭ ءاربىر ايى بەلگىلى ءبىر قۇسپەن تاڭبالاناتىنىن بىلەسىز بە؟

ءسىز تۋعان ايدىڭ جەبەۋشى قۇسى سىزگە كەرەمەت مىنەزدەمە بەرۋى مۇمكىن ەكەندىگىنە كۇمانىڭىز بولماسىن! سونىمەن ءوز بولمىسىڭىز تۋرالى تولىق بىلگىڭىز كەلە مە؟ ەندەشە كەتتىك.

1. ۇكى (قاڭتار)

سىزگە تىنىق تۇڭعيىقتىڭ تىرشىلىك يەلەرى جاقسى تانىس. ءسىز سۇحباتتاسقان كەزدە ءاربىر ءسوزىڭىزدى ەلەكتەن وتكىزىپ، تاڭدايسىز جانە قارىم- قاتىناس جاساۋدا اسا مۇقياتتىلىق تانىتاسىز. سىرت كوزگە ءسىز وتە بايسالدى ادام بولىپ كورىنگەنىمەن، ىشىڭىزدە ەموتسيا مەن سەزىم بۇلاعى قاينات جاتادى! ءسىز ءوز ەرەجەڭىزدى قاتاڭ ۇستاناسىز جانە اينالاداعىلاردىڭ ءوز تالاپتارىڭىزعا سايكەس قارىم- قاتىناس ورناتقانىن قالايسىز.

 2. توتىقۇس (اقپان)

توتىقۇستىڭ مىنەزىن بولجاپ بولمايدى جانە ول ەشقاشان كوڭىلسىز جابىرقاۋدى بىلمەيدى، الايدا وعان ارتىق فانتازيا جانە كوپ قيالداۋ ءتان. بۇل شىعارماشىلىق سيمۆولى، سوندىقتان ءسىز قاندايدا ءبىر ونەرگە شىناي بەرىلگەن جانسىز. اينالاداعىلار ءسىزدىڭ ەرەكشە مىنەز- قۇلقىڭىز بەن باي ەنەرگەتيكاڭىزعا قىزىعا قارايدى. ءسىز ورتادا ەلەۋسىز قالعىڭىز كەلگەنىمەن، ۇنەمى نازاردا بولاسىز!

3.  قىزىلتاماق شىمشىق (ناۋرىز)

جىگەرلىك پەن تاباندىلىق سيمۆولى. ءسىز ءومىردىڭ تالاي سوقپاقتارىنان ەشبىر قيىندىقسىز امان- ەسەن شىعۋعا قابىلەتتىسىز. جۇرت ءسىزدى قايراتتىلىعىڭىز جانە سەنىمگە كىرە الاتىنىڭىز ءۇشىن قاتتى قۇرمەتتەيدى. كەيدە قاتتى شارشاعان ساتتە، ءوزىڭىزدىڭ السىزدىگىڭىزدى كورسەتكىڭىز كەلمەيدى جانە الداعى ماقساتتارىڭىزعا بار كۇش-جىگەرىڭىزدى سالاسىز.

4. شىمشىق (ءساۋىر)

كوتەرىڭكى كوڭىل مەن اقجارقىن كۇلكى - ءسىزدىڭ ومىرلىك سەرىگىڭىز. ءسىز ءازىلقوي جانسىز جانە ءوزىڭىزدىڭ ءسوز تاپقىشتىعىڭىزبەن جۇرتتىڭ كوڭىلىن كوتەرۋگە بەيىمسىز. بۇل ايدا دۇنيەگە كەلگەندەر سوزشەڭ ءارى قىزىق مىنەزدى ادامدار!

5. بۇلبۇل (مامىر)

ءسىز كەز كەلگەن ادامنىڭ قوڭىرقاي كۇنىن مەرەكەگە اينالدىرا بىلەسىز. ءسىزدىڭ كوڭىل- كۇيىڭىز ءاردايىم پوزيتيۆكە تولى، سوندىقتان كەيبىر جاندار سىزگە قىزعانا قارايدى. ءسىز ءوز اينالاداعىلارىڭىزعا كۇلكى سىيلاپ، ولاردى كوتەرىڭكى كوڭىل- كۇيمەن جىگەرلەندىرە الاسىز.

6. كوگەرشىن (ماۋسىم)

قۇستاردىڭ پاتشاسى. ءسىز ءتۋابىتتى كوشباسشىسىز، ءتىپتى، ونى كەيدە ءوزىڭىز دە بايقاماي قالاسىز. ۇيىمداستىرۋشىلىق جانە باسقالارعا مىندەتتەردى ءبولىپ بەرۋ - ءسىزدىڭ مىنەزىڭىزدىڭ نەگىزگى ەرەكشەلىگى. ءسىز بار جاۋاپكەرشىلىكتى ءوز موينىڭىزعا الىپ، ءتارتىپ ورناتا الاسىز. ءسىز ءۇشىن الىنبايتىن قامال جوق. ءسىز بارشا جاندى سوڭىڭىزدان ەرتە بىلەتىن جانسىز.

7. بۇركىت (شىلدە)

بۇل قۇستىڭ نەگىزگى قاسيەتتەرى - تاباندىلىق، تاكاپپارلىق جانە وزىنە سەنىمدىلىك. ءسىز وزگەلەردىڭ مۇڭىن تىڭداي بىلەسىز، سوندىقتان كەيدە بەيتانىس جاندار ءوز سىرلارىن ايتىپ، وزدەرى تۋرالى كوپ نارسەنى جايىپ سالادى. سىزگە تولىق سەنىم بىلدىرۋگە بولادى جانە ءسىز كەز كەلگەن اقپاراتتى تولىعىمەن قۇپيا ساقتاي بىلەسىز. ءسىز پايدالى كەڭەستەر بەرىپ، ادامداردى دۇرىس جولعا سالۋعا جانە كوڭىل- كۇيىن كوتەرۋگە قابىلەتتىسىز.

8. بالىقشى قۇس (كوكتارعاق) (تامىز)

بۇل ايدا دۇنيەگە كەلگەن جاندار وتە اقكوڭىل. ءسىز جاڭا تانىستىقتى قاتتى ۇناتاسىز جانە جاڭا تانىستاردى وزىڭىزگە تارتا بىلەسىز. ءسىز قولى اشىق جانسىز، باسىنا قيىندىق تۋعان جاندارعا كومەكتەسۋگە ءارقاشان دايىنسىز، دۇرىس جولدان تايعاندارعا دا ءوز كومەگىڭىزدى ايامايسىز.

9. قارشىعا (قىركۇيەك)

ءسىز - باتىل جانسىز. ءسىزدى اياعىڭىزدان شالىپ جاتسا دا، ورنىڭىزدان جەڭىل كوتەرىلىپ، قايتادان العا ۇمتىلاسىز. ءسىزدى بايقاماي قيىن، ءبىراق سىزگە وزگەلەردىڭ نازارىنا ىلىگۋدى مۇلدەم ۇناتپايسىز. بۇل قۇرمەتتەۋگە تۇرارلىق ەرلىك پەن قاراپايىمدىلىقتىڭ بەلگىسى.

10. اققۋ (قازان)

ءسىزدى قولىنان ونەرى تامعان شەبەر كىسى دەپ اتاۋعا بولادى. ءسىز ءاردايىم بارلىق نارسەنىڭ شەشىمىن تابا بىلەسىز، ءتىپتى اسا كۇردەلى پروبلەمالاردىڭ ءوزىن قىسقا مەرزىم ىشىندە شەشىپ بەرە الاسىز. ءسىز بارلىق كەزدە ءوزىڭىزدىڭ دۇرىس ارەكەت جاساعانىڭىزعا سەنىمدىسىز جانە وزىڭىزگە قارسى شىعۋدى ۇناتپايسىز.

11. اتەش (قاراشا)

ءسىز كەز كەلگەننىڭ قولى جەتە بەرمەيتىن كەرەمەت دوسسىز جانە سەرىكتەسسىز. كەز كەلگەن قيىن جاعدايدا ءسىز ۇنەمى ءوز جاقىندارىڭىزدىڭ جانىنان تابىلا بىلەسىز جانە ولاردى قورعاۋ ءۇشىن ەشتەڭەدەن تايىنبايسىز. ءسىز اينالاداعىلاردى ىنتالاندىرىپ قانا قويماي، ولاردى دۇرىس جولعا باعىتتاي بىلەسىز، ال ءوزىڭىزدى ءاردايىم جاقسى قىرىنان تانىتۋعا تىرىساسىز.

12. قارعا (جەلتوقسان)

بۇل - جاسىرىن قۇپيالارعا تولى قۇس، ال ءسىز - ۇنەمى تاڭعالارلىق قىزىقتى وقيعالاردى ىزدەيتىن جانسىز. ءسىز بارلىعىن بىلۋگە قۇمار ءارى وزىڭىزگە سەنىمدى ادامسىز، ۇنەمى جاڭا تاجىريبەنى ۇيرەنۋگە قۇمارسىز. ءسىز ءوز بەتىنشە باقىتقا قول جەتكىزە بىلەتىن، تولىققاندى تۇلعاسىز. ءسىز كوپشىلىك جينالعان جەرلەردەن قورىقپايسىز، اليدا كەيدە جالعىز قالعاندى ۇناتاسىز.

 

دەرەككوزى: Flytothesky.ru