ا ق ش ەلشىسى: ەشبىر مەملەكەت جەمقورلىقتى جەڭە الماعان
ا ق ش - قازاقستاننىڭ نەگىزگى ينۆەستورى. ەكى مەملەكەت اراسىندا ستراتەگيالىق سەرىكتەستىكتىڭ جاڭا كەزەڭى قۇرىلىپ كەلەدى. اليك شپەكبايەۆ جەمقورلىققا قارسى كۇرەس بويىنشا جۇيەلى جۇمىستار مەن مەملەكەتتىك قىزمەتتى جەتىلدىرۋ، ساپالى مەملەكەتتىك قىزمەت كورسەتۋ تۋرالى ايتتى.
«Transparency International حالىقارالىق ۇيىمى مەملەكەتتەردىڭ رەيتىنگىن جاريالادى. رەيتىنگ بويىنشا قازاقستان 31 بالل جيناپ، 122-ورىنعا كوتەرىلدى، وسىلايشا 2016 -جىلمەن سالىستىرعاندا كورسەتكىشىن ەكى بالل مەن توعىز ورىنعا جوعارىلاتتى» ، - دەيدى شپەكبايەۆ.
كەلىسسوز بارىسىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى امەريكانىڭ مەملەكەتتىك قىزمەت سالاسى مەن جەمقورلىققا قارسى كۇرەسكە قاتىستى تاجىريبەسىنە قىزىعۋشىلىق تانىتتى.
ا ق ش ەلشىسى قازاقستاندىقتارعا كۇتىپ العاندارى ءۇشىن العىسىن ءبىلدىرىپ، ىنتىماقتاستىقتى دامىتۋ تۋرالى ايتا كەتتى. ونىڭ ايتۋىنشا، ەكى ەل پرەزيدەنتتەرىنىڭ كەزدەسۋى قازاقستان مەن ا ق ش قارىم- قاتىناسىنداعى جاڭا پاراقتى اشىپ قانا قويماي، قازىردىڭ وزىندە ناقتى ناتيجە كورسەتىپ ۇلگەرگەن.
«ەشبىر مەملەكەت، سونىڭ ىشىندە امەريكا دا جەمقورلىقتى جەڭىپ كورمەگەن، سوندىقتان بۇل سالادا قارىم- قاتىناستا بولۋ ءبىز ءۇشىن ءبىرىنشى كەزەكتەگى مىندەت بولماق. قازاقستان امەريكالىق ينۆەستورلارمەن بيزنەس جۇرگىزۋگە قولايلى جەر» ، - دەيدى دجوردج كرول.
كەزدەسۋ بارىسىندا ەكى جاقمەملەكەتتىك باسقارۋ بويىنشا تاجىريبە الماسۋ ءۇشىن قازاقستانداعى مەملەكەتتىك قىزمەتكەرلەردىڭ ا ق ش- تا گرانتتىق نەگىزدە وقۋ، تاجىريبەدەن ءوتۋ بويىنشا ماسەلەنى تالقىلادى.
Baq.kz
