گۇلشارا ءابدىقالىقوۆا شەتەل ەلشىلەرىنەن سەنىم گراموتاسىن قابىلدادى - فوتو

None
None
استانا. قازاقپارات - بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆا ءبىرقاتار شەتەلدىڭ قازاقستاندا قىزمەتىن قوسا اتقاراتىن توتەنشە جانە قكىلەتتى ەلشىلەرىنەن سەنىم گراموتاسىن قابىلدادى، دەپ حابارلايدى قازاقپارات.

اتاپ ايتقاندا، مەملەكەتتىك حاتشىعا فيليپپين ەلشىسى كارلوس د. سوررەتا، چات ەلشىسى مباتنا باندجانگ، ەكۆادور ەلشىسى حۋليو پرادو ەسپينوزا، ەكۆاتوريالىق گۆينەيا ەلشىسى حوسە ەسونو ميچ اكەنگ، نەپال فەدەراتيۆتىك دەموكراتيالىق رەسپۋبليكاسىنىڭ ەلشىسى ريشي رام گحيميرە، ارگەنتينا ەلشىسى ريكاردو ەرنەستو لاگوريو، مەكسيكا قۇراما شتاتتارىنىڭ ەلشىسى بەرناردو كوردوۆا تەللو، يەمەن ەلشىسى موحاممەد موتاحار الاشابي سەنىم گراموتاسىن تابىستادى.

فيليپپين ەلشىسىمەن كەزدەسۋ بارىسىندا مەملەكەتتىك حاتشى قازىرگى كەزدە قازاقستان تەررويزمنەن ازات الەمگە قول جەتكىزۋ ءۇشىن مىنەز- قۇلىق كودەكسىن قابىلداۋ جونىندە ق ر پرەزيدەنتىنىڭ باستاماسىن ىلگەرىلەتۋ جۇمىسىن جۇرگىزىپ جاتقانىن ايتتى.

null 

ال چات ەلشىسىمەن كەزدەسۋدە ساحەل بەستىك توبى قىزمەتىن تەرروريزممەن كۇرەستىڭ ماڭىزدى تەتىگى رەتىندە اتاپ ءوتتى.

«قازاقستاننىڭ الدىنا الەمدەگى دامىعان 30 ەل قاتارىنا قوسىلۋ مىندەتى قويىلدى. ءبىز تەحنولوگيا تراسفەرتىنە جانە شەتەلدىك سەرىكتەستەرىمىزدى ەلىمىزدەگى يننوۆاتسيالىق جاڭارۋلار ىسىنە تارتۋعا مۇددەلىمىز»، - دەدى گۇلشارا ءابدىقالىقوۆا ەكۆادور ەلشىسىمەن كەزدەسۋ بارىسىندا.

 null

ەكۆاتورلىق گۆينەيا ەلشىسىمەن كەزدەسۋ بارىسىندا مەملەكەتتىك حاتشى ەلدىڭ ب ۇ ۇ قاۋىپسىزدىك كەڭەسىنىڭ 2018-2019 -جىلدارداعى تۇراقتى ەمەس مۇشەسى بولىپ سايلانۋىمەن قۇتتىقتادى. ول حالىقارالىق جانە زورلىق-زومبىلىق سيپاتىنداعى تەرروريزممەن كۇرەس باسىمدىعى بار باعىتتىڭ ءبىرى ەكەنىنە توقتالدى.

 null

«ىنتىماقتاستىقتىڭ پەرسپەكتيۆالىق باعىتتارى اۋىل شارۋاشىلىعى، حيميا ونەركاسىبى، تۋريزم، بانك ءىسى، كومىرسۋتەك شيكىزاتىن ءوندىرۋ جانە تاسىمالداۋ بولىپ تابىلادى»، - دەپ اتاپ ءوتتى مەملەكەتتىك حاتشى نەپال ەلشىسىمەن اڭگىمەلەسۋ كەزىندە.

ارگەنتينا ەلشىسىمەن كەزدەسۋدە گ. ءابدىقالىقوۆا بۋەنوس-ايرەس قالاسىنىڭ 2023 -جىلى ەكسپو كورمەسىن وتكىزۋ قۇقىعى بويىنشا جەڭىسىمەن قۇتىقتادى. بيىلعى جولداۋدا مەملەكەت باسشىسى قازاقستاننىڭ ءتورتىنشى ونەركاسىپتىك رەۆوليۋتسيا جاعدايىندا ودان ارى دامۋ مىندەتتەرىن ايقىنداپ بەرگەن ەدى. وسى ورايدا يننوۆاتسيالار مەن سيفرلىق تەحنولوگيالار سالاسىنداعى ىنتىماقتاستىقتى دامىتۋدىڭ كەلەشەگى بار ەكەندى اتالىپ ءوتتى.

«امەريكا ەلدەرى اراسىندا مەكسيكا ماڭىزدى سەرىكتەسىمىزدىڭ ءبىرى بولىپ تابىلادى»، - دەدى گۇلشارا ءابدىقالوۆا وسى ەلدىڭ ەلشىسىمەن اڭگىمەلەسۋ بارىسىندا.

ول ەكسپو-2017 الاڭىنداعى استانا حالىقارالىق قارجى ورتالىعى، جاسىل تەحنولوگيالاردى دامىتۋ جونىندەگى حالىقارالىق ورتالىق جانە بۇۇ قولداۋىمەن جۇزەگە اسىرىلاتىن ينۆەستيتسيالىق جوبالار، IT- ستارتاپتار حالىقارالىق تەحنوپاركى جوبالارى بويىنشا ىنتىماقتاسۋعا شاقىردى.

يەمەن ەلشىسىمەن كەزدەسۋى كەزىندە مەملەكەتتىك حاتشى بەيبىتسۇيگىش مەملەكەت رەتىندە قازاقستان اسكەري سەناريدىڭ ورىستەگەنىن قۇپتامايتىنىن ايتتى. ءبىز اۋماقتىقتىق تۇتاستىقتى، ەگەمەندىكتى جانە زاڭدى تۇردە سايلانعان ۇكىمەتتى قۇرمەتتەۋ قاعيداتتارىن قولداۋ ىسىندە جۇيەلى ۇستانىمدامىز.

ءراسىم سوڭىندا مەملەكەتتىك حاتشى گۇلشارا ءابدىقالىقوۆا ەلشىلەردى قازاقستانداعى ديپلوماتيالىق قىزمەتتەرىنىڭ باستالۋىمەن قۇتتىقتاپ، تابىس تىلەدى.

سوڭعى جاڭالىقتار